मुंबई, : अभिनेता सलमान खान आणि कतरिना कैफ यांच्या ‘टायगर 3’ सिनेमातील ‘लेके प्रभु का नाम’ हे गाणे रिलीज झाले आहे. हे गाणे सोशल मीडियावर रिलीज होताच धमाल उडवली आहे. ‘लेके प्रभु का नाम’ या गाण्यातील सलमान खान आणि कतरिना कैफच्या डान्सची सोशल मीडियावरही चर्चा सुरु आहे.
बॉलिवूडचा सुपरस्टार सलमान खानने काही दिवसांपूर्वी ‘टायगर 3’ सिनेमातील ‘लेके प्रभु का नाम’ हे गाणे रिलीज करणार असल्याचे सांगितले होते आणि आता ते गाणं रिलीजही झालं. सलमान खानचे चाहते या गाण्याची आतुरतेने वाट पाहत होते. अखेर हे गाणं रिलीज झालं. रिलीज होताच सोशल मीडियावर लाईक्सचा पाऊसच पडत आहे.
‘लेके प्रभु का नाम’ या गाण्यातील कतरिना आणि सलमानची ऑनस्क्रीन केमिस्ट्री चाहत्यांना खूप आवडते. सोशल मीडियावर लोक सलमानच्या स्वॅगचे कौतुकही करत असतात. तसेच, अर्जित सिंगने सलमान खानसाठी गाणे गायल्याची ही पहिलीच वेळ आहे. ‘टायगर 3’ मधील ‘लेके प्रभु का नाम’ हे गाणे प्रीतम यांनी संगीतबद्ध केले आहे. हे गाण रचलंय अमिताभ भट्टाचार्य यांनी.
तर अर्जित सिंग आणि निखिता गांधी यांनी हे गाणं गायले आहे आणि वैभवी मर्चंटने कोरिओग्राफ केले आहे. सलमान-कतरिना त्यांच्या आगामी ‘टायगर 3’ चित्रपटामुळे बऱ्याच दिवसांपासून चर्चेत आहेत. या गाण्यातील टायगर आणि झोयाची धमाकेदार केमिस्ट्री पाहून लोकांना पुन्हा एकदा ‘स्वॅग से करेंगे सबका स्वागत’ गाण्याची आठवण नक्कीच झाली असेल.
