Film News मुंबई : ‘स्त्री’ हा सिनेमा 2018 मध्ये रिलीज झाला होता. अभिनेत्री श्रद्धा कपूर आणि अभिनेता राजकुमार राव यांच्या जोडीने धमाल केली होती. (Film News) या सिनेमामध्ये प्रेक्षकांना कॉमेडी आणि हॉरर हे दोन्ही अनुभवता आलं होतं. प्रेक्षकांना ‘स्त्री’ चांगलाच आवडला. तेव्हापासून या सिनेमाच्या दुसऱ्या भागाची मागणी सुरू आहे. त्यात आता खास प्रेक्षकांच्या आग्रहास्तव ‘स्त्री 2’ हा सिनेमा येत आहे. (Film News)
‘स्त्री 2’ या सिनेमाच्या दुसऱ्या भागाची अनाउंसमेंटच 15 एप्रिल 2023 ला निर्मात्यांनी केली होती. पण आता राजकुमार राव याने श्रद्धा कपूरसोबतचा एक सेल्फी शेअर केला आहे. त्याचीच चर्चा सध्या सुरु आहे. या सेल्फीच्या कॅप्शनमध्ये लिहिले की, ‘काय होईल जेव्हा पुन्हा #स्त्री आणि #पुरुष भेटतील…#Stree2’ या कॅप्शनवरून हे निश्चित आहे की, राजकुमार राव आणि श्रद्धा कपूर यांनी चित्रपटाचे शूटिंग सुरू केले आहे.
‘स्त्री 2’ ची आतुरतेने वाट पाहणाऱ्या चाहत्यांसाठी ही आनंदाची बातमी आहे. पार्ट वनचे सर्व प्रमुख कलाकार पुन्हा एकदा या चित्रपटात दिसणार आहेत. हा चित्रपट ऑगस्ट 2024 मध्ये प्रदर्शित होणार असल्याचे सांगण्यात आले आहे. त्यामुळे प्रेक्षकांना या सिनेमासाठी आणखी बरीच प्रतिक्षा करावी लागणार आहे.
