मुंबई : बॉलिवूड चित्रपटांसाठी गाणी लिहिणारे प्रसिद्ध गीतकार नासिर फराज यांचे निधन झाले आहे. गायक मुजतबा अजीज नाजा यांनी नासिर फराज यांच्या निधनाच्या वृत्ताला दुजोरा दिला आहे. याबाबत त्यांना सोशल मीडिया प्लॅटफॉर्म फेसबुकवर पोस्ट शेअर केली आहे.
नासिर फराज यांना हृदयाशी संबंधित आजार होता. सात वर्षांपूर्वी त्यांच्यावर शस्त्रक्रियाही झाली होती. रविवारी संध्याकाळी त्यांना अचानक छातीत दुखू लागले, त्यानंतर त्यांचे सायंकाळी सहाच्या सुमारास त्यांचे निधन झाले. त्यांच्या अकाली निधनाने मनोरंजन क्षेत्राला मोठा धक्का बसला आहे.
नासिर फराज यांनी २०१० साली रिलीज झालेल्या काइट्स चित्रपटातील ‘दिल क्यूँ मेरा शोर करे’ आणि ‘जिंदगी दो पल की’ ही दोन सुपरहिट गाणी लिहिली होती. याशिवाय नासिर यांनी बाजीराव मस्तानी, क्रिश आणि काबिल यांसारख्या चित्रपटांसाठीही गाणी लिहिली होती.
