पुणे : बॉलिवूडच्या सिनेमाना काही दिवसापासून वाईट दिवस आहे, अनेक सिनेमांवर बहिष्कार टाकण्याचा ट्रेंड सुरु असताना मात्र अभिनेता रणबीर कपूरच्या ब्रम्हास्त्रने (Bramhastra) मात्र आपलं नवे रेकॉर्ड केलं आहे. हा चित्रपट प्रदर्शित होण्यापुर्वीच या चित्रपटाचे ॲडव्हान्स बुकींग सुरु करण्यात आली आहे.
ॲडव्हान्स बुकींगमध्ये ब्रम्हास्त्रने भारतातील बॉलिवूड , हॉलिवूडसह दक्षिणात्य सिनेमाचे जवळजवळ सगळे रेकॉर्ड तोडत एक नवा रेकॉर्ड आपल्या नावी नोंदवला आहे. तरी ॲडव्हान्स बुकीमध्ये बोलबोला करणारा रणबीरचा हा सिनेमा प्रदर्शित झाल्यावर काय जादू करतो याकडे सर्वांचं लक्ष लागलं आहे.
‘ब्रह्मास्त्र’ हा सिनेमा अयान मुखर्जीने दिग्दर्शित केला आहे. यात अमिताभ बच्चन ,रणबीर कपूर ,मौनी रॉय ,आलिया भट्ट आणि दक्षिणात्य सुपरस्टार नागार्जुना मुख्य भुमिकेत दिसून येणार आहे.
इंडियन मायथलॉजीचा संबंधी साधत हा सिनेमा प्रदर्शित केला असुन या सिनेमाचे पुढील भाग येणार असल्याची ही चर्चा सिनेजगात आहे. अवघ्या दोन दिवसांनंतर म्हणजे 9 सप्टेंबरला ब्रम्हास्त्र मोठ्या पडद्यावर प्रदर्शित होणार आहे.
