पुणे : ‘बिग बॉस’ चे चौथे पर्व येत्या 2 ऑक्टोबरपासून प्रेक्षकांच्या भेटीला येणार आहे. मराठी टेलिव्हीजनवरचा सगळ्यात भव्य रिअॅलिटी शो म्हणून ‘बिग बॉस मराठी’कडे पाहिले जात आहे.यंदाच्या सीझनमध्ये कोणते कलाकार सहभागी होणार हे जाणून घेण्यासाठी सर्वजण उत्सुक आहेत. अशातच आता पहिल्या स्पर्धक जोडीचा बोल्ड व्हिडीओ समोर आला आहे.
नुकताच, या शोचा एक प्रोमो सोशल मीडियावर शेअर करण्यात आला आहे ज्यात Grand Premiere ला येणार लाखों दिलाची धडकन येणार असल्याचे दाखवण्यात आले आहे. तसेच अजून एका व्हिडीओत एक तरुणी बोल्ड डान्स करताना दिसत आहे. यात तिचा चेहरा दिसत नसला तरी तिच्या डान्सने आणि बोल्ड लूकने सर्वांचेच लक्ष वेधून घेतले आहे. तसेच तिचे नावही गुलदस्त्यात ठेवण्यात आले आहे.
कलर्स वाहिनीने त्यांच्या अधिकृत इन्स्टाग्राम अकाऊंटवर बिग बॉस मराठी सिझन ४च्या प्रिमिअर सोहळ्याचा एक नवा प्रोमो शेअर केला आहे. या प्रोमोमध्ये एक जोडी अतिशय बोल्ड डान्स करताना दिसत आहे. मोहे रंग लगा दे रे या गाण्यावर त्यांच्या रोमँटिक डान्स पहायला मिळत आहे. पण या कपलचे चहरे अद्याप दाखवण्यात आलेले नाहीत.
हा प्रोमो शेअर करत “मंचावर रंगणार दिलखेचक अदाकारी, कोण असतील हे स्पर्धक? बिग बॉस मराठी ग्रँड प्रिमिअर 2 ऑक्टोबरला संध्या 7 वा, सोम – शुक्र रात्री 10 वा, शनि- रवि रात्री 9:30 वा फक्त कलर्स मराठीवर” असे कॅप्शन देण्यात आले आहे.
या व्हिडीओवर अनेकांनी कमेंट करत अंदाज बांधला आहे. एका यूजरने ती अभिनेत्री नेहा खान असल्याचे म्हटले आहे. तर दुसऱ्या एका यूजरने संताप व्यक्त करत “असे घाणेरडे डान्स कृपया दाखवू नये..आम्ही सर्व जण सोबत टीव्ही बघतो, असे म्हटले आहे.
