आप देखेंगे. हम देखेंगे. सब देखेंगे… सच्चा भारतीय ‘सख्त लौंडा’ कॉमेडीयन झाकिर खान आता प्रेक्षकांना हसवण्यासाठी सज्ज झाला आहे. सोनी एन्टरटेन्मेंट टेलिव्हिजनवर लवकरच लॉन्च होणार्या ‘आपका अपना झाकिर’ या कार्यक्रमातून झाकिरची कमाल पाहायला मिळणार आहे. लाईव्ह शो, सोशल मिडिया, ओटीटीच्या माध्यमातून झाकिरने आत्तापर्यंत प्रेक्षकांचं मनोरंजन केल आहे. मात्र आता झाकिरच्या कॉमेडीची कमाल संपूर्णपणे अनुभवता येणार आहे.
झाकिरचे बुद्धीचातुर्य आणि वादातीत करिश्मा असलेला आणि हशा, शायरी व ‘जिंदगी के नुस्खे’ आणि काही धमला किस्से या सगळ्या गोष्टी पाहायला मिळणार आहेत. ही खास ऑफर झाकिरची विनोदबुद्धी आणि धमाल किश्श्यांमुळे आबालवृद्धांना एकदम टवटवीत आणि आनंददायी अनुभव प्रदान करते.
तसेच एक खास स्पर्श जोडून आपला ठसा उमटवण्याचे वचन देते. कॉमेडीच्या पलीकडे जाऊन काही पैलू उलगडणार्या, अष्टपैलू होस्ट झाकिर खान सोबत सामील व्हा, म्हणजे तुम्हाला कळेल की तो खरा ‘आपका अपना झाकिर’ का आहे.
View this post on Instagram
स्टँडअप कॉमेडी मध्ये झाकिर विविध किस्से, शायरी आणि कवितांचा समावेश देखील करतो, त्याचा हटके अंदाज रसिकांना आकर्षित करतो. हटके संवादकौशल्यामुळे झाकिरने प्रेक्षकांची लोकप्रियता मिळवली आहे.
झाकिर हा एक उत्तम कॉमेडियन असून तो लेखक, कवी आणि अभिनेता म्हणून काम करतो. २०१२ मध्ये झाकिरने कॉमेडी सेंट्रल हा कार्यक्रम जिंकून लोकप्रियता मिळवली होती. तसेच ‘चाचा विधायक हैं हमारे’, ‘कॉमिक्स्तान’, ‘वन माइक सुरेंड’, ‘फर्जी मुशायरा’ या कार्यक्रमात झाकिरने काम केल आहे.