पुणे : अभिनेता शाहरुख खानच्या ‘पठान’ चित्रपटाची सध्या जोरदार चर्चा आहे. हा चित्रपट रिलीज होऊन ५ दिवस झाले आहेत. आतापर्यंत या चित्रपटाने वर्ल्ड वाईड कलेक्शनमध्ये ५५० कोटी रुपयांचा गल्ला जमवला आहे.
ट्रेड ॲनालिस्ट रमेश बाला यांच्या माहितीनुसार, पठानने रविवारी २९ जानेवारी रोजी जवळपास ७० कोटींची कमाई करून पुन्हा इतिहास रचला आहे. पठानचे वर्ल्डवाईड ग्रॉस कलेक्शन पाचव्या दिवशीही ५५० कोटी रुपयांपर्यंत गाठेल. केवळ ५ दिवसांत ५५० कोटींची कमाई करणे खूप मोठी बाब असल्याचे त्यांनी सांगितले.
दीर्घकाळानंतर शाहरुखने पडद्यावर वापसी केली आणि बॉलिवूडला मोठा हिट चित्रपट दिला. त्याचे अधिकतर चित्रपट फ्लॉप होत होते. चित्रपटांना प्रेक्षक मिळायचे नाहीत. पण, आता चित्र बदललेले आहे.
