पुणे : ‘ तुझ्यात जीव रंगला’ मधील काम करणारी अभिनेत्री कल्याणी कुरुळे जाधव हिचे अपघाती निधन झाले आहे. तिच्या निधनानंतर चित्रपटसृष्टीमध्ये हळहळ व्यक्त केली जात आहे.आता तिच्या निधनानंतर अनेकजण सोशल मीडियाच्या माध्यमातून श्रद्धांजली वाहत आहेत.
मराठी चित्रपटसृष्टीमधील अतिशय लोकप्रिय अभिनेत्री म्हणून कल्याणीची ओळख होती. तिने अनेक मालिकांमध्ये काम केले होते. ‘तुझ्यात जीव रंगला’ या मालिकेतील कल्याणीच्या भूमिकेला प्रेक्षकांनी भरभरुन प्रेम दिले.
कोल्हापूरमधील हालोंडी सांगली फाटा येथे तिच्या कारचा अपघात झाला. या अपघातात कल्याणीचे निधन झाले आहे. काही दिवसांपूर्वी कल्याणीने कोल्हापूर जवळ असलेल्या हालोंडी फाटा येथे ‘प्रेमाची भाकरी’ हे नवीन हॉटेल सुरु केले होते.
रात्री हॉटेल बंद करुन घरी परतत असताना तिला डंपरने जोरदार धडक दिली. कल्याणीचा जागीच मृत्यू झाला. तिच्या निधनाने सर्वांनाच धक्का बसला आहे.
