लहू चव्हाण
पाचगणी, (सातारा) : पूर्व उच्च प्राथमिक इयत्ता पाचवी व पूर्व माध्यमिक इयत्ता आठवीची शिष्यवृत्ती परीक्षा सुरळीत पार पडली असून महाबळेश्वर तालुक्यातून एकूण १२८० विद्यार्थी या परीक्षेसाठी प्रविष्ट झाले असल्याची माहिती गटशिक्षणाधिकारी आनंद पळसे यांनी दिली.
महाराष्ट्र राज्य परीक्षा परिषद पुणे यांच्या मार्फ़त घेण्यात येत असलेल्या पूर्व उच्च प्राथमिक व पूर्व माध्यमिक शिष्यवृत्ती परीक्षा आज आयोजित करण्यात आली होती.
या परीक्षेसाठी महाबळेश्वर तालुक्यात इयत्ता पाचवीसाठी ७ केंद्र, तर इयत्ता आठवीसाठी ५ केंद्रांवर परीक्षेचे आयोजन करण्यात आले होते. मराठी, इंग्रजी आणि उर्दू माध्यमाच्या पाचवीसाठी नोंद केलेल्या ७१५ विद्यार्थ्यांपैकी ६७५ तर आठवीसाठी ६२३ विद्यार्थ्यांपैकी ५९५ विद्यार्थ्यांनी ही परीक्षा दिली.
दरम्यान, ही शिष्यवृत्ती परीक्षा सर्व केंद्रावर सुरुळीतपणे पार पडली असल्याची माहिती गटशिक्षणाधिकारी आनंद पळसे यांनी यावेळी दिली
