दिनेश सोनवणे
दौंड : कुरकुंभ (ता.दौंड) येथील श्री फिरंगाईमाता माध्य व उच्च माध्यमिक विद्यालयातील प्रयोगशाळा परिचर गजानन वाघमारे यांची जिल्हास्तरीय शिक्षकेत्तर पुरस्कार जाहीर झाला आहे. हि माहिती पुणे जिल्हा माध्यमिक व उच्च माध्यमिक शाळा मुख्याध्यापक माहीती संघाचे अध्यक्ष नंदकुमार सागर व सचिव प्रसाद गायकवाड यांनी दिली आहे.
गजानन वाघमारे यांना गेल्या २८ वर्षाच्या नोकरीत विविध पुरस्काराने सन्मानित केले आहे. त्यांचा तालुकास्तरीय शालेय विज्ञान प्रदर्शनामध्ये नेहमी सहभाग असतो. याच बरोबर सामाजिक क्षेत्रात देखील त्यांची उल्लेखनीय कामगिरी असल्याने या पुरस्कारासाठी त्यांची निवड करण्यात आली आहे.
दरम्यान, गजानन वाघमारे यांचे उत्कर्ष शिक्षण संस्थेचे सर्व पदाधिकारी, विद्यालयातील प्राचार्य,पर्यवेक्षक,सर्व शिक्षक वृंद,शिक्षकेत्तर कर्मचारी यांच्याकडून तसेच सर्व मित्रपरिवारातून त्यांचे अभिनंदन होत आहे.
