पुणे : अकरावीच्या केंद्रीकृत प्रवेश प्रक्रियेअंतर्गत पुणे व पिंपरी-चिंचवड शहरातील अकरावीची प्रवेश प्रक्रिया सुरु आहे. बहुतांश कनिष्ठ महाविद्यालयांतील प्रवेश आता अंतिम टप्प्यात आहे.
अकरावी प्रवेश प्रक्रियेच्या चौथ्या फेरीचे वेळापत्रक जाहीर करण्यात आले आहे. कोट्यांतर्गत प्रवेशासाठी शनिवार (ता.२७) पर्यंत अर्ज करता येणार आहे. अल्पसंख्याक कोट्यासह इतर सर्व कोट्यातील प्रवेशाची ही फेरी २ सप्टेंबर पर्यंत असणार आहे.
मंगळवारी (ता.३०) सकाळी दहा वाजता गुणवत्ता यादी जाहीर करण्यात येणार आहे. क्रमवारीत आलेले विद्यार्थी २ सप्टेंबर पर्यंत प्रवेश निश्चित करू शकता.
माध्यमिक व उच्च माध्यम शिक्षण संचालक महेश पालकर यांनी कोटाअंतर्गत प्रवेशाची चौथी फेरी घोषित केली आहे. शनिवार पर्यंत विद्यार्थ्यांना कोटांतर्गत प्रवेशासाठी पसंतीक्रम नोंदविता येईल. प्रवेशीत विद्यार्थी याच काळात द्विलक्षी विषयाच्या प्रवेशासाठी ऑनलाइन पसंतीक्रम नोंदवू शकता.
