Yawat News : यवत, ता. ३१ : पुणे – सोलापूर राष्ट्रीय महामार्गावरील सहजपुर फाटा (ता. दौंड) येथे घरासमोर लावलेली तीन लाख रुपये किमतीची चारचाकी गाडी अज्ञात तीन चोरट्यांनी पळवून नेल्याची घटना घडली आहे.
याप्रकरणी सचिन साहेबराव भगत (वय ३५ रा. सहजपुर फाटा ता. दौंड) यांनी यवत पोलीस ठाण्यात अज्ञात तीन जणांच्या विरोधात फिर्याद दिली आहे. त्यानुसार पोलिसांनी गुन्हा दाखल केला आहे.
तीन जणांच्या विरोधात गुन्हा दाखल
पोलिसांनी दिलेल्या माहितीनुसार, सचिन भगत हे सहजपुर फाटा परिसरात राहतात. बुधवारी (ता. ३०) घरासमोर लावलेली रु. ३ लाख किंमतीची महेंद्र कंपनीची चार चाकी बोलेरो गाडी रात्री साडेबारा वाजण्याच्या सुमारास तीन चोरट्यांनी पळवून नेहली. हि गाडी हडपसर परिसरातील रामटेकडी परिसरात सोडून चोर पळून गेले.
याप्रकरणी सचिन भगत यांनी यवत पोलीस स्टेशन येथे दिली यावरून तीन अज्ञात चोरट्यांविरुद्ध गुन्हा दाखल करण्यात आला आहे याबाबत पुढील तपास पोलीस हवालदार भोर हे करीत आहेत.
