राहुलकुमार अवचट
Yavat News | यवत (पुणे) : पुणे -सोलापूर महामार्गावरील यवत ग्रामपंचायत हद्दीतून एका १० वर्षीय अल्पवयीन मुलीचे अपहरण केल्याची घटना शनिवारी (ता. १५) घडली.
सलोनी तीलकसिंग टाक (वय-१०, रा. यवत, ता. दौंड) असे अपहरण करण्यात आलेल्या मुलीचे नाव आहे. याप्रकरणी मुलीची आई सुनिता कौर तीलकसिंग टाक (वय – ३० रा. पाॅवर हाउस यवत ता. दौंड) यांनी यवत पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, अपहरण केलेली मुलगी १० वर्षांची आहे. शनिवारी दुपारी दीड वाजण्याच्या सुमारास घराबाहेर खेळायला जाते असे सांगून सलोनी ही घराच्या बाहेर पडली होती. परंतु ती परत न आल्याने आजुबाजुला व चौफुला, केडगांव, भांडगांव, खोर, नातेवाईकांकडे शोध घेतला असता सलोनी कोठेही सापडली नाही. त्यामुळे अज्ञात व्यक्तीने फुस लावून तिला पळून नेल्याची तक्रार तिच्या आईने दिली आहे.
दरम्यान, सदर मुलीचा रंग- गोरा, चेहरा- गोल, केस- काळे , उंची -अंदाजे ४ फुट, अंगात निळे रंगाचे कुर्ता व निळे रंगाची पॅन्ट, मराठी व हिंदी भाषा बोलत असून घटनास्थळी यवत पोलीस स्टेशनचे पोलीस निरीक्षक हेमंत शेडगे यांनी भेट दिली असून याबाबत पुढील तपास पोलीस उपनिरीक्षक मदने हे करीत आहेत.
