Wagholi News | वाघोली, (पुणे) : वाघोली परिसरातील लोहगाव-भावडी रोड डोंगराच्या पायथ्याजवळ एका आयटी कंपनीतील तरुणाचा गळा चिरून खून केल्याची धक्कादायक घटना घडली आहे. शनिवारी (ता. १३) सकाळी हि घटना उघडकीस आली आहे.
चिरलेला मृतदेह मिळून आल्याची माहिती पोलिस नियंत्रण कक्षाकडून मिळाली. याप्रकरणी लोणीकंद पोलिस ठाण्यात गुन्हा दाखल करण्यात आला आहे.
गौरव सुरेश उरावी (वय ३५, रा. खराडी, मूळगाव अमरावती) असे गळा चिरून खून झालेल्या तरुणाचे नाव आहे.
पोलिसांनी दिलेल्या माहितीनुसार, गौरव उरावी हा खराडी येथील आयटी कंपनीत नोकरीस होता, तो खराडी येथे मित्रांसमवेत पीजीमध्ये राहतो. शुक्रवारी रात्री दहाच्या सुमारास जेवायला जातो, असे मित्रांना सांगून गौरव निघाला होता. वाघोलीनजीक लोहगाव-भावडी रोड येथे डोंगराच्या पायथ्याजवळ एका व्यक्तीचा गळा चिरलेला मृतदेह मिळून आल्याची माहिती पोलिस नियंत्रण कक्षाकडून मिळाली. तत्काळ घटनास्थळी लोणीकंद पोलिसांनी धाव घेऊन पाहणी केली असता एका तरुणाचा रक्ताच्या थारोळ्यात गळा चिरलेला मृतदेह मिळून आला.
दरम्यान, सकाळी दहाच्या सुमारास गौरवचा गळा चिरलेला मृतदेह मिळून आला. हा खून नेमका कोणत्या कारणासाठी झाला हे मात्र अद्याप समजू शकलेले नाही. सोबत दुचाकीदेखील मिळून आली आहे. घटनास्थळाचा पंचनामा करून लोणीकंद पोलिसांनी मृतदेह शवविच्छेदनासाठी ससून रुग्णालयात पाठवला.
घटनास्थळी न्याय वैद्यकीय पथक तसेच श्वानपथक यांना देखील पाचारण करण्यात आले होते. वरिष्ठ अधिकाऱ्यांनी भेट देऊन तपासाच्या सूचना दिल्या. गौरवचा अत्यंत अमानुषपणे गळा चिरून निर्घृणपणे खून का करण्यात आला याचा पोलिस शोध घेत आहेत.
अधिक बातम्या वाचण्यासाठी येथे क्लिक करा….!
Wagholi News : वाघोलीतील शासकीय जमिनीची देखभाल महापालिका करणार ; अतिक्रमणांना पायबंद बसणार?
