Wagholi News : वाघोली, (पुणे) : पुणे – नगर मार्गावर दुचाकी चोरी करणाऱ्या दोन चोरट्यांना गुन्हे शाखा युनिट ६ च्या पोलिसांनी जेरबंद केले आहे. शुक्रवारी (ता. २८) पोलिसांनी हि कामगिरी केली आहे.
अनिकेत कैलाश कांबळे वय २०, रा, फुलेनगर, येरवडा), आनंद अर्जुन कांबळे (वय – ३०, रा. फुलेनगर, येरवडा, पुणे) असे अटक करण्यात आलेल्या दोघांची नावे आहेत.
पोलिसांनी दिलेल्या माहितीनुसार, शुक्रवारी गुन्हे शाखा युनिट ६ चे पोलीस अधिकारी व अंमलदार हे युनिट हद्दीत गस्त घालीत होते. गस्त घालीत असताना गुन्हे शाखेतील पोलीस अंमलदार सचिन पवार यांना माहिती मिळाली की, पुणे नगर हायवेवर दोन इसम मोटार सायकलसह संशयित रित्या थांबलेले आहेत
मिळालेल्या माहितीच्या अनुशंघाने सदरची माहिती वरिष्ठांना कळवून त्यांनी दिलेल्या आदेशानुसार पथकाने तात्काळ रवाना होऊन सदर दोन इसमांना ताब्यात घेतले. त्यांच्याकडे नाव व पत्ता विचारले असता त्यांनी वरीलप्रमाणे त्यांची नावे सांगितली. Wagholi News
दरम्यान, त्यांच्याकडे गुन्ह्याच्या अनुषंगाने चौकशी केली असता त्यांनी हडपसर पोलीस ठाण्याच्या हद्दीतून मोटारसायकल चोरीची कबुली दिली आहे. सदर इसमांची वैद्यकीय तपासणी करून पुढील तपासकामी हडपसर पोलिसांच्याताब्यात दिले आहे.
सदरची कामगिरी वरीष्ठ पोलीस निरीक्षक रजनीश निर्मल, पोलीस उप निरिक्षक सुरेश जायभाय, पोलीस हवालदार वाळके, पोलीस नाईक विठ्ठल खेडकर, पोलीस अंमलदार ऋषीकेश ताकवणे, ऋषीकेश व्यवहारे, सचिन पवार यांच्या पथकाने केली आहे. Wagholi News
