Uruli kanchan : उरुळी कांचन, (पुणे) : पुणे-सोलापूर महामार्गावर दोन बल्करच्या मध्ये कार अडकून झालेल्या भीषण अपघातात कारचे मोठ्या प्रमाणावर नुकसान झाले आहे. भरधाव वेगात असलेल्या बल्कर मिक्सरने पाठीमागून दिलेल्या धडकेमुळे कार पुढील बल्करला जाऊन धडकली. सुदैवाने, या अपघातात कोणासही दुखापत झालेली नाही, मात्र वाहनांचे आर्थिक नुकसान झाले आहे. Uruli kanchan :
सोरतापवाडी (ता. हवेली) गावच्या हद्दीत वाकडापुल परिसरात शुक्रवारी (ता. 15) सकाळी दहा वाजण्याच्या सुमारास ही घटना घडली. याबाबत सेवानिवृत्त अधिकारी कैलास भागचंद कटारीया (वय 57 वर्षे, रा. मार्केट यार्ड एल 222 आदिनाथ सोसायटी पुणे) यांनी उरुळी कांचन पोलीस ठाण्यात फिर्याद दिली आहे. त्यानुसार अज्ञात वाहनचालकावर गुन्हा दाखल करण्यात आला आहे. Uruli kanchan :
पोलिसांनी दिलेल्या माहितीनुसार, शुक्रवारी सकाळी दहा वाजण्याच्या सुमारास सेवानिवृत्त अधिकारी कैलास कटारीया हे आपल्या स्विफ्ट डिझायर कारने (MH 12 XQ 5256) पुण्याकडे जात होते. सोरतापवाडी येथील वाकडापुल जवळ आले असता, पाठीमागून येणाऱ्या बल्कर मिक्सरने (MH 12 TV 0467) त्यांच्या कारला जोरदार धडक दिली. Uruli kanchan :
बल्करची धडक इतकी जोरात होती की, कटारीया यांची कार समोर चाललेल्या दुसऱ्या एका बल्करवर (MH 12 XM 3728) जाऊन आदळली. दोन अवजड वाहनांच्या मध्ये कार सापडल्याने कारचा पत्रा चेपून इंजिन आणि बोनेटचा पूर्णपणे चक्काचूर झाला आहे. या अपघातात बल्कर मिक्सरचेही नुकसान झाले आहे. Uruli kanchan :
दरम्यान, अपघात घडल्यानंतर पाठीमागून धडक देणाऱ्या बल्कर मिक्सरचा चालक घटनास्थळावरून पळून गेला आहे. याप्रकरणी कैलास कटारीया यांनी उरुळी कांचन पोलीस ठाण्यात फिर्याद दिली असून, पोलिसांनी अज्ञात चालकाविरुद्ध भारतीय न्याय संहिता (BNS) कलम २८१, ३२४(५) आणि मोटार वाहन कायदा कलम १८४, १३४, १७७ अन्वये गुन्हा दाखल केला आहे. तपास पोलीस हवालदार उद्धव गायकवाड करीत आहेत. Uruli kanchan :
