पुणे : ‘तू आमच्या पायावर थुंकला काॽ’असे म्हणत दोन जणांनी एका युवकाला मारहाण करुन त्याचे नाक फोडल्याची घटना नुकतीच घडली. बालेवाडी येथे हायस्ट्रीट समोरील मेमोज दुकानासमोर फुटपाथवर ही घटना घडली.
३० ऑक्टोबर रोजी रात्री विपुल नाथ (३१, रा.बालेवाडी, पुणे) हा तरुण पायी चालत जात होता. त्या वेळी त्या ठिकाणी उभ्या असणाऱ्या दोन अज्ञात ३० वर्षे वयोगटातील तरुणांनी त्यास अडवून ‘तू आमच्या पायावर थुंकला काॽ’ असे म्हणत त्याच्या तोंडावर व नाकावर बुक्के मारले.
त्यात विपुलच्या नाकातून रक्त येऊन नाकाचे हाड फ्रॅक्चर झाले. दुसऱ्या आरोपीने तक्रारदारास हाताने व लाथेने मारून शिवीगाळ केली. याप्रकरणी पोलिसात तक्रार दाखल करण्यात आली आहे. पोलिस त्या दोन जणांना शोध घेत आहेत.
