पुणे : नर्हेतील भूमकर चौकात असलेल्या एका पेट्रोल पंपावर चोरटयांनी काल सोमवारी (ता.२२) मध्यरात्री दरोडा टाकल्याची धक्कादायक घटना उघडकीस आली आहे. दरोडेखोराने कामगारावर कुऱ्हाडीने वार करून पेट्रोल पंपातील रोकड लुटली आहे. या हल्ल्यात कर्मचारी गंभीर जखमी झाला आहे. सदर घटनेचा व्हिडीओ सध्या सोशल मिडीयावर व्हायरल झाला आहे.
मिळालेल्या माहितीनुसार, सोमवारी (ता.२२) मध्यरात्रीच्या सुमारास चोरटयांनी भूमकर चौकातील पेट्रोल पंपावर दरोडा टाकला. तेव्हा एक दरोडेखोर हातात कुऱ्हाड घेऊन कामगारांच्या केबिनमध्ये घुसला. त्यावेळी केबिनमध्ये कामगार झोपले होते. दरोडेखोराने पैशाची मागणी केली. तेव्हा कामगारांनी नकार दिला. तेव्हा दरोडेखोराने कामगारावर कुऱ्हाडीने वार केले. आणि कामगारांना धमकावून रोकड लुटली. आणि दरोडेखोर घटनास्थळावरून पसार झाला.
दरम्यान, दरोडेखोराने कुऱ्हाडीने कामगारावर वार केल्याचा व्हिडीओ सीसीटीव्ही कॅमेरेत कैद झाला आहे. सध्या हा व्हिडीओ सोशल मिडीयावर व्हायरल झाला आहे.
या घटनेची माहिती मिळताच पोलिसांनी घटनास्थळी धाव घेतली आहे. आणि पोलिसांनी दरोडेखोरांना शोधण्यासाठी पथके रवाना झाली आहेत. दरोडेखोराने पेट्रोल पंपावरील किती रक्कम लुटली आहे. याची अद्याप पूर्ण माहिती मिळालेली नाही. तरी, पुढील तपास पुणे शहर पोलीस करीत आहेत.
