सुरेश घाडगे
Paranda News परंडा : चोरी करून दुचाकीवरून पळून जाताना दोन चोरांना परंडा पोलिसांनी सोनारी रोडवर अटक केली. पो(Paranda News) लिसांनी आरोपीच्या ताब्यातून दुचाकी, तीन मोबाईल, मंदिरातील घंटा, लोखंडी सळई चोरीचा मुद्देमाल जप्त केला आहे. (Paranda News) तर एका मोबाईल चोरास लातूर येथून अटक करण्यात आली. (Paranda News)
याबाबत पोलिसांकडून मिळालेली माहिती अशी की, यातील आरोपी यांनी शुक्रवार (दि.१४) सायंकाळी चारच्या सुमारास परंडा येथील भवानी शंकर मंदिरातील पितळी घंटा चोरी केली. खानापूर येथील शंकर गटकुळ यांच्या बांधकामावरून ७० ते ८० किलो लोखंडी सळईची चोरी केली.
दोन चोर चोरी करून पळून जात असल्याची माहिती पोलिसांना मिळताच पोलीस निरिक्षक अमोद भुजबळ यांच्या मार्गदर्शनाखाली पोलिस हवालदार नितीन गुंडाळे, पोलिलस अंमलदार भुजंग अडसूळ, सागर कंचे, शहबाज शेख यांच्या पथकाने माहिती मिळालेल्या दिशेने धाव घेतली. त्यावेळी आरोपी दुचाकीवरून पळून जात असल्याचे दिसुन आले.
पोलिस पथकाने पाठलाग करून आरोपी विकास बाळासाहेब भोसले व निखिल ज्ञानेश्वर धोत्रे (दोघे रा. अकलूज ता. माळशिरस) यांना परंडा सोनारी रोडवर संध्याकाळी सातच्या सुमारास चोरीच्या मुद्देमालासह पकडले. आरोपीच्या ताब्यातून चोरीची हिरो होंडा दुचाकी, तीन मोबाईल फोन, ८० किलो लोखंडी सळई, भवानी शंकर मंदिरातील पितळी घंटा मुद्देमाल जप्त केला आहे.
परंडा शहरातील भवानी शंकर मंदिराचे पुजारी कपिल बैरागी व खानापूर येथील शंकर गटकुळ यांच्या फिर्यादीवरून दोघा आरोपींविरूध्द गुन्हा दाखल करण्यात आला. तर परंडा शहरातील मोबाईल चोरीच्या दुसऱ्या घटनेतील आरोपीस लातूर येथून मोबाईलसह अटक केली.
यामध्ये विशाल प्रतापे यांचा मोबाईल एप्रिल महिन्यात परंडा येथून चोरी झाला होता. या प्रकरणाचा पोलिसांनी तपास लावून आरोपी अमीर अहमद यास लातूर येथून परंडा पोलिस पथकाने मोबाईलसह अटक केली. याप्रकरणाचा पुढील तपास पोलीस हवालदार नितीन गुंडाळे करत आहेत.
