यवत : दौंड तालुक्यातील राहू येथील विकास इंजिनियरिंग वर्कशॉप येथे पेंटिंगसाठी आणलेल्या ट्रॅक्टर ट्रॉलीची चोरी झाल्याची घटना घडली.
याबाबत अधिक माहिती अशी की, ३१ ऑगस्ट रोजी रात्रीच्या सुमारास राहु येथील विकास इंजिनिअरींग वर्कशाॅप येथे पेंटिंगसाठी लावलेल्या ट्रॅक्टरची १ लाख २५ हजार रुपये किंमतीची चारचाकी ट्राॅली अज्ञात व्यक्तींनी चोरून नेले असून, ही घटना शुक्रवारी सकाळी उघडकीस आली.
याबाबत वर्कशॉपचे मालक संतोष दादासो लव्हे यांनी यवत पोलीस स्टेशन येथे फिर्याद दिली असून, अज्ञात व्यक्तीविरोधात यवत पोलीस स्टेशन येथे गुन्हा दाखल करण्यात आला आहे. याप्रकरणाचा पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार कदम हे पुढील तपास करीत आहेत.
