बुलढाणा : पत्नीला कार शिकवत असताना ब्रेक ऐवजी एक्सलेटर दबल्याने कार थेट विहिरीत कोसळून घटना बुलढाणा जिल्ह्यातील देऊळगाव राजा येथील रामनगर परिसरात ही घटना घडली आहे. या घटनेत पती बचावला असला तरी पत्नी आणि लहान मुलीचा शोध सुरु असून त्यांना शोधण्यासाठी गेलेल्या एक तरुणहि बेपत्ता झाला आहे. हि घटना गुरुवारी (ता. ०३) दुपारी बारा वाजण्याच्या सुमारास घडली आहे.
मिळालेल्या माहितीनुसार, पती हे त्यांच्या पत्नीला चारचाकी गाडी शिकवत होते. यावेळी गाडीत पत्नी व त्यांची लहान मुलगी उपस्थित होती. कार शिकवत असताना ब्रेक ऐवजी एक्सलेटर दबल्याने कार थेट विहिरीत कोसळली. या घटनेत पतीने बाजूला उडी घेतल्याने जखमी झाला आहे. तर पत्नी आणि लहान मुलीचा शोध सुरु आहे.
दरम्यान, आई व मुलीचा शोध घेण्यासाठी विहिरीत उतरलेला तरूणही बुडाला असून शोधकार्य आणि बचावकार्य सुरु आहे. घटनेची माहिती मिळताच पोलीस व रुग्णवाहिका घटनास्थळी पोहचले आहेत. मागील पाच तासांपासून बचाव कार्य सुरु आहे मात्र अद्याप त्यांना बाहेर काढण्यात यश आलेले नाही.
