Solapur News : सोलापूर : मित्राच्या लग्नात जात असताना सोलापूर – धुळे राष्ट्रीय महामार्गावर गाडीचा अपघात झाला. या अपघातात तिघां जणांचा जागीच मृत्यू झाला तर एकजण गंभीर जखमी झाला. या घटनेमुळे शोककळा पसरली असून हळहळ व्यक्त केली जात आहे. पहाटे दोनच्या सुमारास हा अपघात झाला असून जखमी झालेल्या तरुणाला रुग्णालयात दाखल केलं आहे.
चालकाचे नियंत्रण सुटल्याने झाला अपघात
बीडच्या पेंडगाव जवळ हा भीषण अपघात झाला. (Solapur News ) पहाटे दोनच्या सुमारास गाडीवरील चालकाचे नियंत्रण सुटल्याने हा अपघात झाला. यामध्ये 3 जण जागीच ठार झाले व एकजण गंभीरित्या जखमी झाला आहे. मृत्यू झालेल्यांची नावे धीरज गुणदेजा (वय 30), रोहन वाल्हेकर (वय 32), विवेक कानगुने (वय 33) व जखमी आनंद वाघ (वय 28) राहणार सर्वजण नेवासा जिल्हा अहमदनगर येथील आहेत.
मिळालेल्या माहितीनुसार, नेवासाहून बीडला जात असताना पेंडगावजवळ घोसापुरी इथं कारवरील नियंत्रण सुटून अपघात झाला. हा अपघात एवढा भीषण होता की गाडीचा चक्काचुर झाला आहे.
टायटॅनिक पाहण्यासाठी गेलेल्या पाणबुडीतील पाचही जणांचा मृत्यू, 4 दिवसांपासून होते बेपत्ता बीडला मित्राच्या लग्नाला येताना हा अपघात झाला. (Solapur News ) गाडीवरचे नियंत्रण सुटल्याने गाडीने रोडवर तीन-चार पलट्या घेऊन रोडच्या बाजूला गाडी पलटी झाली यात गाडीचे अक्षरशः चुराडा झाला. जखमींना बीड जिल्हा रुग्णालय दाखल करण्यात आले. अपघाताची माहिती समजताच महामार्ग वाहतूक पोलिसांनी तात्काळ मदत करत जखमींना जिल्हा रुग्णालयात दाखल केले.
अधिक बातम्या वाचण्यासाठी येथे क्लिक करा :
Solapur News : बाळूमामांच्या दर्शनाहून परतताना भीषण अपघात, जिवलग मित्रांचा मृत्यू; परिसरात हळहळ
