(Shirur News) शिरुर : शिरूर शहरातील (Shirur City) सुखकर्ता मेडीकलमध्ये ८ दिवसांपुर्वी गर्दीचा फायदा उचलून ग्राहकाच्या खिशातुन अंदाजे १० हजार रुपये लपांस केल्याची घटना ताजी असतानाच, आता मलठण (ता.शिरूर) येथील एका दुकानदाराला छान छान बोलून दोन चोरट्यांनी किराणा दुकानामधील गल्ल्यातून तब्बल ३४ हजार रुपये चोरून नेल्याची घटना घडली आहे. शिरूर तालुक्यात ग्राहक(Customer) व दुकानदारांना लुटणारी टोळी सक्रिय झाली आहे.
शिरूर तालुक्यातील मलठण येथील घटना…!
मिळालेल्या माहितीनुसार, अतुल यशवंत थोरात यांचे मलठण (ता. शिरूर) येथे गुरूदत्त या नावाने किराणा दुकान आहे. त्यांच्या दुकानात feej कोल्ड्रींक्स घेण्याच्या बहाण्याने दोन अज्ञात व्यक्ती आले होते. त्यांनी इंग्लिश मध्ये संभाषण करून किराणा दुकानदार अतुल थोरात यांच्यासोबत छान छान बोलण्यास सुरवात केली व तुमची इंडीयन करन्सीला कोणत्या नोटेला किती किंमत आहे. अशी विचारणा त्या दोन व्यक्तींनी थोरात यांना केली.
दरम्यान, त्यातील एका व्यक्तीने देवाच्या असणाऱ्या पॅकेट मध्ये काय आहे what is this असे विचारले. तेव्हा अतुल थोरात हे पाहण्यासाठी गेले असता, दुसऱ्या व्यक्तीने दुकानाच्या गल्ल्यातील ३४ हजार रुपये पसार केले.
अधिक बातम्या वाचण्यासाठी येथे क्लिक करा…
