Shirur Crime पुणे (शिरुर) : तू माझ्या डोक्यात बसला म्हणत तरुणाला मारहाण करण्यात आल्याचा प्रकार शिरूर येथून समोर आला आहे. जुन्या वादातून ही मारहाण करण्यात आली आहे. हा प्रकार बायपास पेट्रोल पंप जवळ घडला आहे. या घटनेनंतर आरोपी घटनास्थळावरून पसार झाला आहे.
याप्रकरणी विशाल रसिक पवार (वय २३ वर्षे रा. अन्नापूर ता. शिरुर जि. पुणे) याने शिरुर पोलीस ठाण्यात तक्रार दिली आहे. त्यावरून शिरुर पोलिसांनी अक्षय उर्फ मुन्ना अंबर पवार (रा. टाकळी हाजी ता. शिरुर जि. पुणे) याच्या विरुद्ध गुन्हा दाखल केला आहे.
मिळालेल्या माहितीनुसार…!
विशाल हा त्याच्या मित्रांसोबत रात्रीच्या सुमारास शिरुर येथील बायपास पेट्रोल पंप जवळील हॉटेलात चहा पित होते. दरम्यान तेथे आरोपी अक्षय आला व त्याने विशालला दमदाटी करत दीड वर्षापूर्वी झालेल्या जुन्या वादातून दीड वर्षापासून तू माझ्या डोक्यात बसला आहे असे म्हणून शिवीगाळ, दमदाटी करत दगड घेऊन मारहाण करत जखमी करुन पळून गेला. पुढील तपास पोलीस करत आहेत.
