Shirur Accident News शिक्रापूर : ट्रकची दुचाकीला धडक बसल्याने झालेल्या अपघातात 8 वर्षांच्या बालकासह त्याच्या वडिलाचा मृत्यू झाला. तर या बालकाची आई गंभीर जखमी झाली. हा अपघात पाबळ-शिरूर रस्त्यावर खैरेनगरजवळ झाला. याप्रकरणी शिक्रापूर पोलीस ठाण्यात ट्रक चालकाविरोधात गुन्हा दाखल करण्यात आला आहे. (Shirur Accident News)
भाऊसाहेब काळूराम चौधरी (वय 43) आणि त्यांचा मुलगा अश्विन (वय 8) यांचा या अपघातात जागीच मृत्यू झाला तर त्याची आई अनिता भाऊसाहेब चौधरी (वय 35, सर्व रा. खैरेनगर ता. शिरुर जि. पुणे) गंभीर जखमी झाली आहे. भाऊसाहेब चौधरी हे शिरूर खैरेनगर पाबळ रस्त्याने रात्रीच्या सुमारास दुचाकीहून पत्नी व मुलासह जात होते.
दरम्यान, हॉटेल बैठक समोर पाठीमागून आलेल्या ट्रकची चौधरी यांच्या दुचाकीला जोरदार धडक बसली. यामध्ये भाऊसाहेब व मुलगा अश्विन रस्त्यावर पडले आणि त्यांची पत्नी अनिता रस्त्याचे बाजूला पडली. मात्र, ट्रकचे चाक भाऊसाहेब व अश्विन यांच्या अंगावरून गेल्याने त्यांचा जागीच मृत्यू झाला तर पत्नी गंभीर जखमी झाली. (Shirur Accident News)
ट्रकचालक दारू प्यायल्याचे उघड
शिक्रापूर पोलिसांनी ट्रकचालक अमोल सुदाम कदम (वय 30, रा. चांडोली ता. खेड जि. पुणे) याच्यावर सदोष मनुष्यवधाचा गुन्हा दाखल करुन त्याला अटक केली आहे. हा चालक दारू प्यायल्याचे समोर आले आहे. या प्रकरणाचा पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली सहाय्यक पोलीस निरीक्षक वैभव पवार हे करत
