Saswad news : सासवड, (पुणे) : स्वतःच्या मालकीच्या जमिनीतील विद्युत मीटर चोरीबाबत चौकशीसाठी गेलेल्या एका 29 वर्षीय तरुणीवर चाकूने हल्ला करून तिला बेदम मारहाण करण्यात आली आहे. याप्रकरणी सासवड पोलिसांनी एका पुरुषासह 9 महिलांविरुद्ध गंभीर स्वरूपाचे गुन्हे दाखल केले आहेत. पुरंदर तालुक्यातील खळद (ता. पुरंदर) येथे गुरुवारी (ता. 07) दुपारी तीन वाजण्याच्या सुमारास गट नंबर ८३ मध्ये हि घटना घडली. Saswad news
कु. पुष्पांजली राजेंद्र पुणेकर (वय 29, धंदा शिक्षण, रा. पुणेकर बंगलो, गंगास्पर्श सोसायटीजवळ कडनगर उंड्री, पुणे) असे मारहाण झालेल्या तरुणीचे नाव आहे. तर बाळासाहेब फुले, (रा. फुलेमळा, खळद, ता. पुरंदर जि. पुणे, प्राची वाघमारे, व इतर अज्ञात 8 महिला (नाव व पत्ता माहिती नाही) अशी मारहाण करणाऱ्यांची नावे आहेत. Saswad news
पोलिसांनी दिलेल्या माहितीनुसार, फिर्यादी पुष्पांजली पुणेकर यांची खळद येथे गट नंबर ८३ मध्ये स्वतःची मालकीची जमीन आहे. या जमिनीतील घराचे विद्युत मीटर चोरीला गेल्याने गुरुवारी (ता. 07) दुपारी तीन वाजण्याच्या सुमारास विद्युत पारेषण विभागाच्या महिला अधिकारी व कर्मचाऱ्यांसह तिथे गेल्या होत्या. Saswad news
पुष्पांजली तिथे पोहोचल्या असता, तिथे उपस्थित असलेल्या बाळासाहेब फुले आणि इतर 8 अज्ञात महिलांनी त्यांना गाठले. या सर्वांनी पुष्पांजली यांना खाली पाडून लाथाबुक्क्यांनी अमानुष मारहाण केली. या झटापटीत त्यांचा डोळ्याचा चष्मा खाली पडून फुटला. आरोपींनी त्यांना अश्लील शिवीगाळ करत “तुझे कुटुंब संपवून टाकू,” अशी धमकी दिली. Saswad news
दरम्यान, मारहाण सुरू असतानाच आरोपी प्राची वाघमारे हिने घरामधून चाकू आणला आणि पुष्पांजली यांच्या उजव्या हातावर चाकूने 3 ते 4 वार केले. या हल्ल्यात पुष्पांजली गंभीर जखमी झाल्या असल्याचे फिर्यादीत म्हटले आहे. या प्रकरणी पुष्पांजली पुणेकर यांनी दिलेल्या तक्रारीवरून सासवड पोलिसांनी भारतीय न्याय संहिता (BNS) कलम ११८(१) व इतर कलमांन्वये गुन्हा दाखल केला आहे. Saswad news
