Thalapathy Vijay : थलपती विजय यांच्या शपथविधीवर अनिश्चिततेचे सावट? ; बहुमताच्या आकड्यावरून तमिळनाडूत सत्तानाट्य रंगले..

Thalapathy Vijay : चेन्नई : दक्षिणात्य सुपरस्टार थलपती विजय यांच्या राजकीय एन्ट्रीनंतर तमिळनाडूच्या राजकारणात मोठी खळबळ उडाली असून, ‘तमिळगा वेत्री कळघम’ (TVK) पक्षाने विधानसभा निवडणुकीत दमदार कामगिरी करत सत्तास्थापनेच्या दिशेने वाटचाल सुरू केली आहे. मात्र बहुमताच्या आकड्यावरून राज्यात राजकीय पेच निर्माण झाला असून विजय यांच्या मुख्यमंत्रिपदाच्या शपथविधीवर अद्यापही अनिश्चिततेचे सावट कायम आहे. Thalapathy Vijay

तमिळनाडूच्या पारंपरिक द्रविडीयन राजकारणाला पर्याय देण्याचा दावा करत विजय यांनी भ्रष्टाचार, घराणेशाही आणि जुन्या राजकीय पद्धतींवर जोरदार टीका केली होती. त्यांच्या सभांना तरुण वर्ग आणि नवमतदारांचा मोठा प्रतिसाद मिळाला असून, त्यांची लोकप्रियता आता राजकीय ताकदीत रूपांतरित होताना दिसत आहे. Thalapathy Vijay

निवडणुकीत टीव्हीके हा सर्वात मोठा पक्ष ठरला असून पक्षाकडे सध्या 116 आमदारांचा पाठिंबा असल्याचे सांगितले जात आहे. काँग्रेसच्या काही आमदारांनीही विजय यांना समर्थन दर्शवले असून डाव्या पक्षांचाही पाठिंबा मिळाल्याचे समोर आले आहे. मात्र स्पष्ट बहुमतासाठी अजूनही काही आमदारांची गरज असल्याने व्हीसीकेच्या भूमिकेकडे सर्वांचे लक्ष लागले आहे. Thalapathy Vijay

 

दरम्यान, विजय यांनी गेल्या दोन दिवसांत तमिळनाडूचे राज्यपाल R. N. Ravi यांची भेट घेऊन सत्ता स्थापनेचा दावा सादर केला आहे. शपथविधीनंतर विधानसभेत बहुमत सिद्ध करू, असा विश्वास त्यांनी व्यक्त केला असला तरी राज्यपालांनी स्पष्ट संख्याबळाचा पुरावा मागितल्याची माहिती समोर येत आहे. Thalapathy Vijay

यामुळे चेन्नईत सध्या मोठे राजकीय सत्तानाट्य रंगले असून, विजय यांच्या शपथविधीबाबतचा अंतिम निर्णय आता मित्रपक्षांच्या भूमिकेवर अवलंबून असल्याचे मानले जात आहे. Thalapathy Vijay