पुणे : पंढरपूर येथे आषाढी वारीनिमित्त श्री विठ्ठलाच्या दर्शनासाठी आलेल्या नागपूर जिल्ह्यातील दोघा तरुण भाविकांचा चंद्रभागा नदीच्या पात्रात बुडून मृत्यू झाला, तर दुस-या एका घटनेत एकादशीनिमित्त पंढरपूर येथे येत असताना कर्नाटकातील दोन भाविकांचा अपघाती मृत्यू झाला आहे.
सचिन शिवाजी कुमारे (वय २८, रा जलाखेडा, नागपूर) आणि विजय सिद्धार्थ सरदार (वय २७, रा. नारसिंगी, जि. नागपूर) अशी नदीत बुडून मृत्यू झालेल्या दोन तरुणांची नावे आहेत. तर राजू संभाजी शिधोळकर व परशुराम संभाजी वरुचे (दोघे रा. अनगूळ, जि. बेळगाव) अशी अपघातात मृत्यू झालेल्या दोघांची नावे आहेत.
मिळालेल्या माहितीनुसार, नागपूर जिल्ह्यातील नरखेड तालुक्यातीत तिघे मित्र आषाढीसाठी रेल्वेने पंढरपूरला आले होते. आल्यानंतर त्यांनी चंद्रभागेत खान करून दर्शनासाठी जाण्याचा निर्णय घेतला व तिघे जण चंद्रभागा नदीवर स्नानासाठी पोहोचते. सचिन कुंभारे हा नदीपात्रात घोळीसाठी उतरता होता पाणी जास्त असल्यामुळे त्याला अंदाज आता नाही. त्यामुळे तो बुडू लागला आणि त्याता वाचवण्यासाठी विजयने पाण्यात उडी घेतली त्यालाही पोहता येत नसल्यामुळे तोही पाण्यात बुडाला. दोघांनाही स्थानिक नागरिकांनी रुग्णालयात दाखल केले मात्र डॉक्टरांनी उपचारापूर्वीच त्यांचा मृत्यू झाला असल्याचे सांगितले.
दुसऱ्या घटनेत पंढरपूर- सांगोला मार्गावरील कासेगाव फाटा वनीकरणाजवळ कार रस्त्याच्या कडेला असलेल्या सिमेंटच्या पाईपला जोरात धडकून झालेल्या भीषण अपघातात दोन वारकरी जागीच ठार झाते तर अन्य दोघेजखमी झाले. जखमींना पंढरपुरातील लाईफलाईन हॉस्पिटलमध्ये उपचारासाठी दाखल करण्यात आले आहे.
हा अपघात शनिवारी मध्यरात्री १.३० वाजण्याच्या सुमारास घडला. या अपघातात राजू शिधोळकर व परशुराम वरुचे यांचा मृत्यू झाला. तर अभिजीत उंबरे व गीलेश पोकशेकर हे दोघे गंभीर जखमी झाले आहेत. मयत आणि जखमी हे सर्वजण आषाढी एकादशीनिमित्त चारचाकी गाडीतून बेळगावहून पंढरपूरकडे येत होते.
