Pune News : पुणे : महिलेला मेसेज पाठवून त्रास दिल्याने दोघांमध्ये वाद झाला. या वादातून तरुणावर शस्त्राने वार करुन खून केल्याची धक्कादायक घटना नगर रस्त्यावरील बकोरी गावात घडली. आरोपींनी तरुणाच्या वडिलांना बेदम मारहाण केली. याप्रकरणी लोणीकंद पोलिसांनी चौघांना अटक केली.
बकोरी गावातील घटना
सुहास हरिदास शिंदे (वय ३०, रा. वारघडे वस्ती, बकोरी, ता. हवेली, जि. पुणे ) असे खून झालेल्या तरुणाचे नाव आहे. याबाबत सुहासचा मोठा भाऊ संदीप (वय ३६) याने लोणीकंद पोलीस ठाण्यात फिर्याद दिल्यानुसार, किसन नागनाथ पवार (वय ३७), बालाजी नागनाथ पवार (वय ३४), दिगंबर नागनाथ पवार (वय ३२), सिद्धेश्वर नागनाथ काळुंके (वय २९ , चौघे रा. वारघडे वस्ती, बकोरी, ता. हवेली, जि. पुणे) यांना अटक करण्यात आली. (Pune News) आरोपींनी केलेल्या मारहाणीत सुहासचे वडील हरिदास जखमी झाले आहेत. त्यांच्यावर उपचार सुरू आहेत.
दरम्यान, शिंदे आणि आरोपी पवार हे दोघे शेजारी आहेत. आरोपी किसन याने शिंदे यांच्याच नात्यातील महिलेच्या मोबाइलवर संदेश पाठवून तिला त्रास दिला होता. या कारणावरुन दोघामध्ये कडाडून वाद झाले. त्यानंतर वाद मिटवण्यासाठी संदीप, सुहास, त्यांचे वडील हरिदास गेले. वादातून आरोपी पवार, काळंके यांनी सुहास आणि हरिदास यांना शिवीगाळ करुन मारहाण करण्यास सुरुवात केली. (Pune News) या वेळी संतप्त झालेल्या आरोपींनी सुहास याच्या डोक्यात सिमेंटचा पाईप मारला. हरिदास यांच्या डोक्यात दगड मारला. आरोपी दिगंबरने संदीप याच्यावर शस्त्राने वार केले.
या घटनेचा अधिक तपास गुन्हे शाखेचे पोलीस निरीक्षक पाटील करत आहेत.
अधिक बातम्या वाचण्यासाठी येथे क्लिक करा :
Pune News : भाजप नेत्याच्या मदतीनेच ललित पाटीलने पलायन केले; आमदार रविंद्र धंगेकरांचा खळबळजनक दावा
Pune News : फ्लॅटवर जागामालकाचे अतिक्रमण; बिल्डरसह पाच जणांवर गुन्हा दाखल
