Pune News : दर्शना पवार हिच्या हत्या प्रकरणात पुणे ग्रामीण पोलिसांनी राहुल हंडोरे याला २२ जून रोजी अटक केली. त्यानंतर पोलीस कोठडीत असताना त्याची कसून चौकशी केली. या चौकशीतून रोज नवे खुलासे होत आहेत. आता दर्शनाच्या हत्येसाठी सोमवारच का निवडला याचा धक्कादायक खुलासा राहुल हंडोरे याने केला आहे.(Pune News)
धक्कादायक खुलासा राहुल हंडोरे याने केला आहे.
राहुल हंडोरे याच्या पोलीस कोठडीची मुदत २९ जून रोजी संपली. त्यानंतर पुणे पोलिसांनी पुन्हा त्याच्या पोलीस कोठडीची मागणी केली. न्यायालयाने पोलिसांची मागणी मान्य करत ३ जुलैपर्यंत हंडोरे याला पोलीस कोठडी दिली. पोलीस कोठडीत असताना हंडोरे याची कसून चौकशी करण्यात आली. या वेळी हंडोरे याने आरोप कबुल करत पोपटासारखी सर्व माहिती पोलिसांना दिली. त्यानुसार दर्शना हिला लग्नाचे विचारायचे अन् तिने नकार देताच तिची हत्या करायची, असा प्लॅन त्याने केला होता.(Pune News)
दरम्यान, चौकशी करत असताना दर्शना हिच्या हत्येसाठी सोमवारच का निवडला? याबद्दल विचारणा करण्यात आली. हंडोरे याने पोलिसांना सांगितले की, शनिवार आणि रविवार हे सुट्टीचे वार असल्याने राजगडावर ट्रेकिंगसाठी येणाऱ्यांची वर्दळ असते. परंतु सोमवारी तुलनेने गर्दी कमी असते. यामुळे दर्शनाला सोमवारीच राजगडावर न्यावे, लग्नाबद्दल विचारावे आणि नकार दिला तर गडावरच संपवावे, असा संर्पूँण प्लॅन मनात आखला होता, असे हंडोरे याने सांगितले. त्यासाठी त्याने सोबत ब्लेड बाळगला होता.(Pune News)
राजगडावर दर्शनाला घेऊन जाण्यासाठी हंडोरे याने जी गाडी वापरली होती, ती गाडी पोलिसांनी जप्त केली आहे. हत्येसाठी खिशात बाळगलेले ब्लेड देखील पोलिसांनी ताब्यात घेतले आहे. पुढील चौकशीमध्ये हंडोरे काय माहिती देणार आहे, हे महत्त्वाचे ठरणार आहे. त्यामुळे या प्रकरणाच्या तपासाला अधिक वेग येणार आहे. त्यानंतर लवकरच न्यायालयात आरोपपत्र दाखल होणार आहे.(Pune News)
