Pune News : पुणे : पेट्रोल पंपावर काम करत असलेल्या कर्मचाऱ्याला कामावरुन काढल्याच्या रागाने पेट्रोल पंप जाळण्याची धमकी देऊन तोडफोड करण्याची घटना हडपसर भागात घडली. याप्रकरणी एकाविरुद्ध गुन्हा दाखल करण्यात आला आहे.
हडपसर पोलीस ठाण्यात गुन्हा दाखल
याबाबत मिळालेल्या माहितीनुसार, अकबर हुसेन तांबोळी (वय ४२, रा. मंतरवाडी चौक, सासवड रस्ता) असे गुन्हा दाखल केलेल्याचे नाव आहे. (Pune News) पेट्रोल पंपमालक यशपाल नागोरी (वय ३७, रा. कल्याणीनगर) यांनी हडपसर पोलीस ठाण्यात फिर्याद दिली आहे.
सासवड रस्त्यावरील ऊरूळी देवाची परिसरात नागोरी यांचा पेट्रोल पंप आहे. आरोपी तांबोळी पेट्रोल पंपावर काम करत होता. वर्तणूक चांगली नसल्याने तांबोळी याला कामावरुन काढून टाकण्यात आले होते. यामुळे तांबोळी संतप्त झाला होता. तांबोळी पेट्रोल पंपावर गेला. (Pune News) मला कामावरुन का काढले, अशी विचारणा करुन पेट्रोल पंपातील यंत्राची तोडफोड केली. पेट्रोल पंप जाळण्याची धमकी देऊन तांबोळी पसार झाला.
या घटनेचा अधिक तपास सहायक पोलीस निरीक्षक जाधव करत आहेत.
अधिक बातम्या वाचण्यासाठी येथे क्लिक करा :
Pune News : रुग्णालयात जाण्यासाठी ललित पाटील करत होता नाटक; २०२० मधील धक्कादायक व्हिडिओ समोर…
