Pune News पुणे, ता. 18 : पुण्यातील येवलेवाडी परिसरात माणुसकीला काळीमा फासणारी संतापजनक घटना उघडकीस आली आहे. स्वतःच्या ९ वर्षीय नातीवरच आजोबांनी लैंगिक अत्याचार केल्याचा धक्कादायक प्रकार समोर आल्याने परिसरात एकच खळबळ उडाली आहे. या प्रकरणी पोलिसांनी आरोपीला ताब्यात घेतले असून, भारतीय न्यायसंहिता (BNS) आणि पॉक्सो (POCSO) कायद्यांतर्गत गंभीर गुन्हा दाखल करण्यात आला आहे. Pune News
मिळालेल्या माहितीनुसार, पीडित मुलीचे कुटुंब उदरनिर्वाहासाठी नेपाळहून पुण्यात आले आहे. घटनेच्या वेळी मुलीचे आई-वडील घराबाहेर गेले होते. घरात कोणी नसल्याची संधी साधत आरोपी धनराज बालाटी याने आपल्या नातीवर अत्याचार केल्याचा आरोप आहे. आरोपी हा पीडित मुलीच्या घराशेजारी राहत असल्याचे सांगितले जात आहे. घटनेची माहिती मिळताच पोलिसांनी तातडीने कारवाई करत आरोपीला ताब्यात घेतले. या प्रकरणाचा पुढील तपास सुरू असून, आरोपीला कठोर शिक्षा व्हावी अशी मागणी नागरिकांकडून केली जात आहे. Pune News
दरम्यान, महिला व बालविकास मंत्री अदिती तटकरे यांनी या घटनेची गंभीर दखल घेतली असून, पीडित कुटुंबाला आवश्यक ती सर्व मदत उपलब्ध करून देण्याच्या सूचना प्रशासनाला दिल्या आहेत. महिला व बालविकास विभागाच्या अधिकाऱ्यांनी कुटुंबाची भेट घेतली असून, “मनोधैर्य” योजनेअंतर्गत आर्थिक मदत देण्याची प्रक्रिया सुरू करण्यात आली आहे. तसेच पीडित मुलगी आणि तिच्या कुटुंबीयांना समुपदेशनाद्वारे मानसिक आधार देण्याचे कामही सुरू आहे. “पीडित कुटुंबाला न्याय मिळवून देण्यासाठी शासन कटिबद्ध असून, सर्व यंत्रणा युद्धपातळीवर काम करत आहेत,” असे मंत्री अदिती तटकरे यांनी स्पष्ट केले. Pune News
या घटनेमुळे पुणे शहरासह राज्यभरातून संताप व्यक्त केला जात असून, अल्पवयीन मुलींच्या सुरक्षेचा प्रश्न पुन्हा ऐरणीवर आला आहे. नात्यांवरचा विश्वास हादरवणाऱ्या या प्रकारामुळे नागरिकांमध्ये भीती आणि संतापाचे वातावरण निर्माण झाले आहे. आरोपीवर जलदगती न्यायालयात खटला चालवून कठोर शिक्षा द्यावी, अशी जोरदार मागणी विविध सामाजिक संघटना, नागरिक आणि महिला संघटनांकडून करण्यात येत आहे. Pune News
