Junnar News जुन्नर, ता. १८ : कल्याण-अहिल्यानगर राष्ट्रीय महामार्गावर रविवारी (ता.17) सायंकाळी भीषण अपघात घडून एसटी बस थेट रस्त्यालगतच्या खोल खड्ड्यात कोसळल्याने एकच खळबळ उडाली. बेल्हेजवळील गुंजाळवाडी फाटा परिसरात चालकाचे वाहनावरील नियंत्रण सुटल्याने हा भीषण अपघात झाला. या दुर्घटनेत एसटी बस चालकासह एका प्रवाशाचा जागीच मृत्यू झाला असून, तब्बल २० प्रवासी जखमी झाले आहेत. काहींची प्रकृती गंभीर असल्याची माहिती समोर आली आहे. Junnar News
या अपघातात बस चालक मोहम्मद एल. वाय. सलीम (वय ४५, रा. अमरावती) आणि प्रवासी प्रशांत साईनाथ होणशेटे (वय २७, रा. बेल्लर, जि. नांदेड) यांचा दुर्दैवी मृत्यू झाला आहे. तर या अपघातात कोंडीभाऊ कारभारी वाकचौरे (वय ७०, रा. बेल्हे), कमल कोंडीभाऊ वाकचौरे (वय ६७, रा. बेल्हे), अरुण शंकर गुंजाळ (वय ५१, रा. बेल्हे), दिपाली बबन डोंगरे (वय ३३, रा. डोंगरवाडी), शारदा बन्सी मेंगडे (वय ५९, रा. आणे), अश्विनी गणेश बहिरट / बाहिरट (वय ४८, रा. आणे), उल्हास तांबे (वय ७०, रा. ओतूर), अलका नामदेव गायकवाड (वय ५८, रा. संगमनेर), यमुना यादव पावसे (वय ६०, रा. हिवरगाव पावसा, संगमनेर), दिव्या संजय पवार (वय २१, रा. मानवडी, सिन्नर), सिद्धेश नितीन काळे (वय १०, रा. पाथर्डी), आशा नितीन काळे (वय ३५, रा. पाथर्डी), नितीन सिद्धार्थ काळे (वय ३८, रा. पाथर्डी), मगन सुखदेव पाटोळे (वय ४८, रा. बुलढाणा), शोभा मगन पाटोळे (वय ३०, रा. बुलढाणा), शंकर शिवाजी शेजाळ (वय ५०, रा. देवडे, पंढरपूर), वैशाली शंकर शेजाळ (वय २३, रा. देवडे, पंढरपूर), सुंदर संदिप येलमर (वय ४०), मनिषा शिवराम बोहाडे (वय ४०), प्रतिभा विनोद मंडले (वय २६) हे जखमी झाहेत.
या अपघातात कोंडीभाऊ वाकचौरे, कमल वाकचौरे, शंकर शेजाळ, वैशाली शेजाळ, मगन पाटोळे, शोभा पाटोळे, शारदा मेंगळे, अश्विनी बहिरट, अलका गायकवाड, अरुण गुंजाळ, दिपाली डोंगरे, उल्हास तांबे, यमुना पावसे, दिव्या पवार, सिद्धेश काळे, आशा काळे, नितीन काळे, सुंदर येलमर, मनिषा बोहाडे आणि प्रतिभा मंडले हे जखमी झाले आहेत. Junnar News
अपघातानंतर परिसरात एकच गोंधळ उडाला. स्थानिक ग्रामस्थ, युवक आणि प्रवाशांनी तातडीने घटनास्थळी धाव घेत मदतकार्य सुरू केले. बसच्या खिडक्या आणि दरवाजे तोडून जखमी प्रवाशांना बाहेर काढण्यात आले. काही प्रवासी बसमध्ये अडकून पडल्याने बचावकार्याला मोठी कसरत करावी लागली. Junnar News
घटनेची माहिती मिळताच पोलीस प्रशासन, रुग्णवाहिका आणि आपत्कालीन पथके घटनास्थळी दाखल झाली. सर्व जखमींना तातडीने आळेफाटा येथील विविध खासगी रुग्णालयांमध्ये उपचारासाठी दाखल करण्यात आले असून, काहींवर अतिदक्षता विभागात उपचार सुरू आहेत.
या अपघातामुळे महामार्गावरील वाहतूक काही काळ विस्कळीत झाली होती. पोलिसांनी घटनास्थळी पंचनामा करून पुढील तपास सुरू केला असून, चालकाचे नियंत्रण नेमके कशामुळे सुटले याचा शोध घेतला जात आहे. या भीषण दुर्घटनेमुळे परिसरात हळहळ व्यक्त केली जात आहे. Junnar News
