पुणे : सोन्या -चांदीच्यां दरात सलग दुसऱ्या दिवशीही जोरदार घसरण झाली आहे. आज मंगळवार 7 जुलै 2026 रोजी 24 कॅरेट शुद्धतेच्या 10 ग्रॅम सोन्याच्या दरात 136 रुपयांची किरकोळ घसरण झाली आहे.आज सोन्याच्या दरात घसरण झाल्यामुळे ग्राहकांना मोठा दिलासा मिळाला आहे.
आज सराफा बाजार सुरू झाल्यावर सोन्याच्या किमतीत थोडी घसरण झाल्याचे दिसून आले आहे, तर दुसरीकडे चांदीचे दर मात्र पूर्णपणे स्थिर आहेत.कालच्या (सोमवार) तुलनेत आज 24 कॅरेट सोन्याचा दर प्रति तोळा (10 ग्रॅम) 1,45,260 रुपये इतका झाला आहे. सोमवारी हाच भाव 1,46,320 रुपये एवढा होता. तसेच सोमवारी मुंबईत चांदीच्या भावात तब्बल 5000 रुपयांची मोठी घसरण झाली होती आणि भाव 2,45,000 रुपये प्रति किलोवर आले होते. आज मंगळवारी मात्र हे भाव स्थिर असून चांदी 245 रुपये प्रति ग्रॅम (म्हणजेच 2,45,000 रुपये प्रति किलो) दराने मिळत आहे.
देशातील प्रमुख शहरांमधील सोन्याचे आजचे दर खालीलप्रमाणे आहेत:
मुंबई, पुणे आणि कोलकाता: या तिन्ही महत्त्वाच्या शहरांमध्ये सोन्याचे दर सारखेच आहेत. येथे 24 कॅरेट सोन्याचा भाव 1,45,260 रुपये, 22 कॅरेटसाठी 1,33,150 रुपये आणि 18 कॅरेटसाठी 1,08,940 रुपये प्रति 10 ग्रॅम इतका आहे.
दिल्ली (राजधानी): दिल्लीत सोन्याचे दर थोडे जास्त असून 24 कॅरेटसाठी 1,45,410 रुपये, 22 कॅरेटसाठी 1,33,300 रुपये आणि 18 कॅरेटसाठी 1,09,090 रुपये प्रति 10 ग्रॅम नोंदवले गेले आहेत.
