Pune News : पुणे : पुण्यातील विमाननगर परिसरात भरधाव मोटारीच्या धडकेत पाळीव मांजराचा मृत्यू झाल्याची घटना समोर आली आहे. या प्रकरणी मांजराच्या मालक महिलेने दिलेल्या फिर्यादीवरून महिला वाहनचालकाविरुद्ध विमानतळ पोलीस ठाण्यात गुन्हा दाखल करण्यात आला आहे. Pune News :
पोलिसांनी दिलेल्या माहितीनुसार, विमाननगरमधील कोणार्क कॅम्पस सोसायटीच्या आवारात २२ मे रोजी रात्री पावणेनऊच्या सुमारास ही घटना घडली. सोसायटी परिसरातून जात असताना एका मोटारीच्या चाकाखाली पाळीव मांजर सापडले. या अपघातात मांजराचा जागीच मृत्यू झाला. Pune News :
मृत मांजर हे फिर्यादी महिलेचे पाळीव प्राणी होते. घटनेनंतर त्यांनी विमानतळ पोलीस ठाण्यात तक्रार दाखल केली. त्यानुसार संबंधित महिला वाहनचालकाविरुद्ध गुन्हा नोंदविण्यात आला आहे. Pune News :
या घटनेमुळे सोसायटी परिसरात हळहळ व्यक्त करण्यात येत असून, निवासी भागात वाहनचालकांनी वेगावर नियंत्रण ठेवण्याची गरज पुन्हा अधोरेखित झाली आहे. या प्रकरणाचा पुढील तपास पोलीस उपनिरीक्षक हर्षल घागरे करत आहेत. Pune News :
दुसऱ्या एका घटनेत कोरेगाव पार्क भागात मोटारीच्या धडकेत श्वानाचा मृत्यू झाल्याची घटना घडली. याबाबत एका महिलेने कोरेगाव पार्क पोलीस ठाण्यात फिर्याद दिली आहे. तक्रारदार महिला बोट क्लब रस्त्यावरील एका सोसायटीत राहायला आहे. पोलिसांनी दिलेल्या माहितीनुसार, तक्रारदार महिला राहत असलेल्या सोसायटीच्या आवाराच्या परिसरात एका श्वानाचा वावर होता. मोटारीच्या धडकेत श्वानाचा मृत्यू झाल्याची घटना नुकतीच घडली. त्यानंतर महिलेने पोलिसांकडे तक्रार दिली. Pune News
