Pune News : पुणे : पुण्यातील चंदननगर येथील भाजी मार्केटमध्ये असणाऱ्या हंबीरराव मोझे शाळेमध्ये मोठी आग लागली. आज दुपारी पावणेतीन वाजण्याच्या सुमारास ही घटना घडली. घटनेची माहिती मिळताच अग्निशमन दलाचे जवान घटनास्थळी दाखल झाले. प्रसंगावधान राखत त्यांनी तातडीने आग आटोक्यात आणली. आज शाळेला सुट्टी असल्याने जीवितहानी टळली.
जीवितहानी टळली
याबाबत मिळालेल्या माहितीनुसार, चंदननगर परिसरातील भाजी मार्केटमध्ये हंबीरराव मोझे शाळा आहे. या शाळेमध्ये आज दुपारी २ वाजून ४५ मिनिटाच्या सुमारास आग लागली. घटनेची माहिती मिळताच अग्निशमन दलाकडून येरवडा फायरगाडी व मुख्यालयातून एक वॉटर टँकर घटनास्थळी पाठवण्यात आले. त्यामुळे आग आटोक्यात आली. सध्या कुलिंग ऑपरेशन सुरू आहे.
दरम्यान, आज शहरात दहीहंडी सण मोठ्या उत्साहात साजरा होत आहे. त्यामुळे आज शाळेला सुट्टी आहे. विद्यार्थी शाळेमध्ये नसल्यामुळे मोठा अनर्थ टळला आहे. या घटनेत कोणतीही जीवितहानी झाली नाही. किंवा कोणीही जखमी झाले नाही.
