Pune News : पुणे : ऑनलाइन फसवणुकीचे गुन्हे करणाऱ्या भामट्यांच्या रडारवर आता आयएएस आणि आयपीएस अधिकारीही आल्याची धक्कादायक माहिती मिळत आहे. गुन्हे करण्यासाठी भामटे चक्क पुणे जिल्हाधिकारी राजेश देशमुख बोलत असल्याची बतावणी करत आहेत.
राज्यातील सायबर पोलिसांकडे फसवणूक झाल्याच्या तक्रारी वाढत आहेत. फसवणुकीच्या या प्रकरणांमध्ये आता आयएएस आणि आयपीएस अधिकारीही अडकत आहेत. (Pune News) पुणे जिल्हाधिकारी राजेश देशमुख बोलत असल्याची बतावणी करुन फसवणुकीचा एक प्रकार नुकताच उघडकीला आला आहे.
७ जणांवर गुन्हा दाखल
याबाबत मिळालेल्या अधिक माहितीनुसार, एका व्यक्तीच्या मोबाइल क्रमांकावर फोन आला. जिल्हाधिकारी राजेश देशमुख बोलत असल्याचे त्याने सांगितले. माझा मित्र संतोषकुमार केंद्रीय सुरक्षा दलात आहे. परंतु त्याची बदली झाली आहे. त्याचे जुने फर्निचर स्वस्तात विकायचे आहे, असे आमिष दाखवून ७० हजार रुपये घेतले. (Pune News) परंतु फर्निचर मिळालेच नाही. त्यानंतर तक्रारदारने गुन्हा दाखल केला. पोलिसांनी वेगाने तपास करून, या प्रकरणात एकूण ७ जणांवर गुन्हा दाखल केला आहे.
दरम्यान, या घटनेचे तांत्रिक विश्लेषण केले असता, हा प्रकार राजस्थानमधून घडल्याचे समोर आले आहे. पुणे पोलीस राजस्थानला पोहचले. (Pune News) तेथून शाहरूख काटुला खान (वय २३, अलवर, राजस्थान) याला अटक केली. या प्रकरणानंतर या प्रकारच्या फोनवरुन येणाऱ्या संदेशाला बळी पडू नये, असे आवाहन करण्यात आले आहे.
अधिक बातम्या वाचण्यासाठी येथे क्लिक करा :
Pune News : कोरेगाव पार्क, मुंढवा येरवडा भागात जड वाहनांना बंदी
