Pune News : पुणे: किरकोळ वादातून टोळक्याने तरुण, त्याचा मित्र आणि आईला मारहाण करुन घरावर दगडफेक केल्याची घटना समोर आली आहे. ही घटना पर्वती पायथा परिसरातील जनता वसाहतीत घडली. (A youth was attacked by a gang in Janata Colony; The house was pelted with terror)
याबाबत दत्तात्रय कानगुडे (वय २६, रा. जनता वसाहत, पर्वती पायथा) यांनी दत्तवाडी पोलीस ठाण्यात फिर्याद दिली आहे. (Pune News) त्यानुसार पोलिसांनी तिघांना अटक केली असून साथीदारांविरुद्ध गुन्हा दाखल करण्यात आला आहे.
घरावर दगडफेक करत माजवली दहशत
किशन उर्फ दिनेश गौड (वय १९), राकेश रमेश सोरटकर (वय २१), रितेश रमेश सोरटकर (वय १८, तिघे रा. जनता वसाहत, पर्वती पायथा) अशी अटक करण्यात आलेल्यांची नावे आहेत. (Pune News) या प्रकरणी चार ते पाचजणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, दत्तात्रय कानगुडे यांचा मावसभाऊ सागर निवंगुणे याची आरोपी किशन गौड याच्याशी वादावादी झाली होती. दत्तात्रय आरोपी किशनच्या घरावर जाब विचारण्यासाठी गेले. (Pune News) त्या वेळी आरोपी किशनने साथीदारांना तेथे बोलावून घेतले. दत्तात्रय यांच्यावर तीक्ष्ण शस्त्राने वार केले. आरोपी रियाज शेख, सुनील देडगे यांनी दत्तात्रय यांच्या आईला दांडक्याने मारहाण केली. परिसरात दहशत माजवून घरांवर दगडफेक केली. पोलीस उपनिरीक्षक राजेश पुरी तपास करत आहेत.
अधिक बातम्या वाचण्यासाठी येथे क्लिक करा :
Pune News : स्पीकरवरुन झालेल्या वादातून अपमानित झाल्याने एका 70 वर्षीय नागिरकाने केली आत्महत्या
Pune News : अबब! पुण्यातलं भारी रताळं; वजन ऐकाल तर थक्क व्हाल…
