Nashik News : नाशिक : नाशिक जिल्ह्यातून हादरवणारी घटना समोर आली आहे. प्रियकराने आई-वडिलांदेखत मुलीचे अपहरण केले आहे. याचा धक्का आई-वडिलांना सहन न झाल्यामुळे दोघांनीही गोदान एक्स्प्रेसखाली उडी घेत आत्महत्या केली आहे. या घटनेमुळे परिसरात एकच खळबळ उडाली आहे. दरम्यान संतप्त नातेवाईकांनी तरुणाच्या घरासमोरच या दोघांवर अंत्यसंस्कार केले. (Nashik shook! Boyfriend kidnaps girl in front of parents; The two committed suicide by jumping off the railway bed due to shock)
निवृत्ती खातळे (वडिल) व मंजुळा निवृती खातळे (आई) असे आत्महत्या केलेल्या दांपत्याचे नाव आहे. याप्रकरणी सिन्नर पोलीस ठाण्यात मुलीचे मामा दिगंबर शेळके यांनी तक्रार दाखल केली आहे. (Nashik News) त्यावरून अपहरण व आत्महत्येस प्रवृत्त केल्या प्रकरणी तरुणावर गुन्हा दाखल करण्यात आला आहे. समाधान झनकर असे आरोपी तरुणाचे नाव आहे.
गाडी अडवून केले अपहरण
मिळालेल्या माहितीनुसार, आरोपी समाधान व आत्महत्याग्रस्त दांपत्यांच्या मुलीचे प्रेमप्रकरण होते. दरम्यान रविवारी दुपारी मुलगी व तिचे आई-वडील निवृत्ती व मंजुळा खातळे हे भरविहिर गावाकडे जात होते. (Nashik News) त्यावेळी वाटेत हायवे जवळ समाधान झनकर आणि त्याच्या साथीदारांनी खातळे यांची गाडी अडवली व मुलीला आई-वडिलांसमोरच आपल्या वाहनात बसवून घेऊन गेले.
दरम्यान, मुलीच्या अपहरणाचा धक्का या दोघांनी घेतला त्यातूनच भगूर येथील नूतन शाळेमागे गोदान एक्स्प्रेसखाली दांपत्यांनी उडी घेतली व आयुष्याचा शेवट केला.(Nashik News) या घटनेची नाशिकरोड लोहमार्ग पोलिसात आकस्मिक मृत्यूची नोंद करण्यात आली आहे.
या घटनेनंतर संतप्त नातेवाइकांनी आणि भरविहिर बुद्रुक येथील गावकऱ्यांनी सोमवारी मृतदेह ताब्यात घेतला व तरुणाच्या घरासमोरच खातळे दाम्पत्याच्या पार्थिवावर अंत्यसंस्कार करण्यात आले. (Nashik News) मृतदेहाच्या अंतिम संस्काराचा व्हिडिओ व्हायरल झाला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Nashik News : प्रसिद्ध अभिनेते नितेश पांडे यांचे हृदयविकाराच्या तीव्र झटक्याने निधन
Nashik Crime : नाशिक येथील जिल्हा हिवताप अधिकारी महिलेस लाच घेताना रंगेहाथ पकडले
Nashik Crime | नाशिक हादरले ! भाजप नेत्यावर गोळीबार; हप्ता वसुलीच्या वर्चस्वातून हल्ला…
