Pune Crime पिंपरी-चिंचवड : पुणे व पिंपरी-चिंचवड शहरात गेल्या काही दिवसांपासून कोयता गॅंगने धुमाकूळ घाता होता दरम्यान पिंपरी-चिंचवड शहरात वाहन तोडफोडीच्या घटना समोर येताना दिसून येत आहेत. शहरातील रुपीनगर येथे तिन जणांनी कोयत्याच्या सहाय्याने तब्बल आठ ते दहा गाड्यांच्या काचा फोडल्याचा धक्कादायक प्रकार समोर आला आहे.
या घटनेनंतर पुन्हा एकदा नागरिकांमध्ये दहशीचे वातावरण निर्माण झाले आहे. हा प्रकार (शनिवारी) पहाटे चारच्या सुमारास सरस्वती शाळेजवळ, रुपीनगर येथे घडला आहे.
पोलिसांनी दिलेल्या माहितीनुसार, अज्ञात तीन जणांनी चिखलीतील सरस्वती शाळेजवळ पार्क केलेल्या वाहनांना लक्ष्य करत वाहनांची तोडफोड केली. यात वाहनांच्या काचा फोडण्यात आल्या आहेत. याप्रकरणी चिखली पोलीस ठाण्यात अज्ञात तीन जणांच्या विरोधात गुन्हा दाखल केला आहे .
दरम्यान कोयता गॅंग पाठोपाठ आता शहरात पुन्हा गाड्या तोडफोडीचे सत्र तोंड वर काढू पहात आहे. त्यामुळे नागरिकांमध्ये दहशतीचे वातावरण निर्माण झाले आहे. पुढील तपास चिखली पोलीस करत आहेत.
अधिक बातम्या वाचण्यासाठी येथे क्लिक करा…
