Pune Drug Racket Busted लोणीकंद, ता. 30 : अंमली पदार्थांविरोधात कारवाईचा धडाका सुरू ठेवत लोणीकंद पोलिसांनी मोठी कामगिरी बजावली आहे. मॅफेड्रॉन (एमडी) ड्रग्जची विक्री करणाऱ्या टोळीवर सलग कारवाया करत तब्बल ६ आरोपींना अटक करण्यात आली असून, जवळपास ३५ लाख रुपयांचा मुद्देमाल जप्त करण्यात आला आहे. पुणे पोलिस आयुक्तांच्या निर्देशानुसार अंमली पदार्थ विक्रेत्यांवर ‘सर्जिकल स्ट्राईक’ करण्याच्या मोहिमेअंतर्गत ही कारवाई करण्यात आली. Pune Drug Racket Busted
पुंजाजी जयचंद्र चौधरी (वय ४० , रा. जय मल्हार सोसायटी, फुलमळा रोड, वाघोली, पुणे मुळपत्ता मु.पो. निपाणा, ता. मोताळा, जि. बुलढाणा), राजेंद्र केरु टेळे (वय ३५ , रा. अथर्वनगर, चाकण रोड, शिक्रापुर, पुणे), करन सचिन मोहिते (वय २१ , रा. सणसवाडी, पुणे), भागीरथसिंग सज्जनसिंग राजपुरोहित (वय २८, रा. मांजरी, पुणे मुळपत्ता राजस्थान), आदिनाथ दशरथ शिर्के (वय २९ वर्षे रा. मांजरी, पुणे) व योगेश लक्ष्मण चव्हाण (वय ३७, रा. आझाद गल्ली, शहाजी चौक, शिरवळ, ता. खंडाळा, जि. सातारा) अशी अटक करण्यात आलेल्या आरोपींची नावे आहेत. Pune Drug Racket Busted
पोलिसांनी दिलेल्या माहितीनुसार , १९ एप्रिल रोजी कटकेवाडी फाटा येथे पहिली कारवाई करत पुंजाजी चौधरी याला ताब्यात घेण्यात आले. त्याच्याकडून २१.८६० ग्रॅम एमडी पावडर आणि आयफोनसह सुमारे ४.८७ लाखांचा मुद्देमाल जप्त करण्यात आला. त्यानंतर २० एप्रिल रोजी पेरणे फाटा येथे राजेंद्र टेळे आणि करण मोहिते यांना अटक करत तब्बल १४.१० लाखांचा माल जप्त करण्यात आला.
तपासाचा धागा पुढे नेत २२ एप्रिल रोजी मांजरी परिसरातून आणखी दोन आरोपींना अटक करण्यात आली. त्यांच्याकडून एमडी पावडर, कार, मोबाईल आणि रोख रक्कम असा ८.३४ लाखांचा मुद्देमाल हस्तगत करण्यात आला. पुढील कारवाईत २३ एप्रिल रोजी योगेश चव्हाण याला ताब्यात घेऊन त्याच्याकडून १४.५० लाखांच्या एमडी पावडरचा साठा जप्त करण्यात आला.Pune Drug Racket Busted
या सर्व कारवायांमध्ये एकूण १७४.९५ ग्रॅम मॅफेड्रॉन ड्रग्ज जप्त करण्यात आले असून, एकूण मुद्देमालाची किंमत ३४,९८,८०० रुपये इतकी आहे. अटक आरोपी सध्या न्यायालयीन कोठडीत असून येरवडा कारागृहात ठेवण्यात आले आहेत. या कारवाईमुळे पुणे ग्रामीण भागातील ड्रग्ज माफियांचे कंबरडे मोडले असून, आणखी आरोपींचा शोध सुरू असल्याची माहिती पोलिसांनी दिली. नागरिकांनीही अशा प्रकारच्या संशयास्पद हालचालींबाबत त्वरित पोलिसांना माहिती द्यावी, असे आवाहन करण्यात आले आहे. Pune Drug Racket Busted
सदरची कामगिरी पोलीस उपआयुक्त सोमय मुंडे, सहाय्यक पोलीस आयुक्त नुतन पवार यांच्या मार्गदर्शनाखाली लोणी कंद पोलिस ठाण्याच्या वरिष्ठ पोलीस निरीक्षक सुनिता रोकडे, पोलीस उपनिरीक्षक अर्जुन बेंदगुडे, तुकाराम सुरवसे, पोलीस अंमलदार स्वप्नील जाधव, कैलास साळुंके, सागर जगताप, गणेश गायकवाड, संतोष अंदुरे, मल्हारी सपुरे, शुभम विनके, सुधीर शिवले, दिनेश मरकड, शंकर क्षिरसागर व संदीप पाचंगे यांच्या पथकाने केली आहे. Pune Drug Racket Busted
