Pune Drug Case पुणे, ता. 24 : वानवडी पोलिसांनी एनडीपीएस गुन्ह्यातील फरार आरोपीला अटक करत मोठी कारवाई उघडकीस आणली आहे. आरोपीच्या ताब्यातून तब्बल २८ लाख 7 हजार रुपयांचा मुद्देमाल जप्त करण्यात आला असून, यात अंमली पदार्थासह पिस्टल आणि जिवंत काडतुसेही सापडल्याने खळबळ उडाली आहे. Pune Drug Case
अक्रम अजिज शेख (रा. गुलटेकडी, पुणे) असे अटक करण्यात आलेल्या आरोपीचे नाव आहे. पोलिसांनी दिलेल्या माहितीनुसार, वानवडी पोलीस ठाण्यात एनडीपीएस कायद्यानुसार दाखल असलेल्या गुन्ह्यातील फरार आरोपी अक्रम अजिज शेख हा कॅम्प परिसरात येणार असल्याची गोपनीय माहिती मिळाली होती. त्यानुसार तपास पथकाने सापळा रचत अत्यंत शिताफीने त्याला ताब्यात घेतले. Pune Drug Case
दरम्यान, आरोपी अक्रम शेख याला अटक केल्यानंतर आरोपीच्या घराची झडती घेतली असता पोलिसांना 920 ग्रॅम अंमली पदार्थासदृश पांढरी पावडर (किंमत सुमारे 27.60 लाख रुपये), एक देशी बनावटीचे पिस्टल, दोन मॅगझीन आणि 7 जिवंत काडतुसे असा मोठा साठा आढळून आला. एकूण जप्त मुद्देमालाची किंमत 28 लाख 7 हजार रुपये इतकी आहे. जप्त केलेल्या अंमली पदार्थाचा प्रकार, त्याचा स्रोत आणि वितरण साखळी याबाबत पोलिसांकडून सखोल तपास सुरू आहे. आरोपी अक्रम शेख हा मोठ्या ड्रग्ज रॅकेटशी संबंधित असण्याची शक्यता पोलिसांनी व्यक्त केली आहे. Pune Drug Case
सदरची कारवाई पोलीस आयुक्त अमितेश कुमार,पोलीस सह आयुक्त रंजनकुमार शर्मा, अपर पोलीस आयुक्त मनोज पाटील , पोलीस उप-आयुक्त राजलक्ष्मी शिवणकर, सहाय्यक पोलीस आयुक्त नम्रता देसाई, वरिष्ठ पोलीस निरीक्षक संगीता जाधव यांच्या मार्गदर्शनाखाली सहाय्यक पोलीस निरीक्षक उमाकांत महाडिक, पोलीस उपनिरीक्षक अल्फाज शेख, पोलीस हवालदार दया शेगर, महेश गाढवे, अमोल पिलाने, पोलीस अंमलदार अभिजित चव्हाण, गोपाळ मदने, अर्शद सय्यद, अमोल गायकवाड, बालाजी वाघमारे, विष्णु सुतार, विठ्ठल चोरमले, आशिष कांबळे, राहुल माने, महिला पोलीस अंमलदार सुशमा घोळवे व रक्षा राहुलकर यांच्या पथकाने केली आहे. Pune Drug Case
