Pune Crime | पुणे : हाय होल्टेजच्या वायरने रूमला आग लागून या आगीत एका १० वर्षांच्या चिमुकलीचा दुर्दैवी मृत्यू झाल्याची धक्कादायक घटना घडली आहे. या घटनेने शहरात एकच खळबळ उडाली असून, पोलिसांनी आता याप्रकरणात रूम मालकावर गुन्हा नोंद केला आहे.
शुभ्रा ओहाळ (वय १०) असे मृत्यू झालेल्या चिमुकलीचे नाव आहे. याप्रकरणी खडकी पोलीस ठाण्यात महेमुद्दीन मगदुम (रा. बोपोडी) याच्यावर गुन्हा दाखल करण्यात आला आहे.
याबाबत शुभ्रा हिचे वडिल गणेश ओहाळ यांनी तक्रार दिली आहे. हा प्रकार १५ मार्च रोजी दुपारी अडीचच्या सुमारास घडला आहे. परंतु, त्यांनी नुकतीच पोलिसांकडे तक्रार दिली.
आर्थिक फायद्यासाठी रूम भाड्याने…
मिळालेल्या माहितीनुसार, ओहाळ कुटूंब भाड्याने रूम घेऊन राहत होते. त्यांनी महेमुद्दीन यांच्याकडून रूम भाड्यावर घेतली होती. दरम्यान, महेमुद्दीन यांनी त्यांच्या घरावरून हाय होल्टेज केबल गेलेली असताना देखील आर्थिक फायद्यासाठी वन प्लस वन अशी बांधून ती भाड्याने दिली. येथे ओहाळ कुटूंब राहत होते.
रूमच्या छताजवळून केबल गेल्याने अचानक १५ मार्च रोजीच हाय होल्टेज केबलमुळे रूमला आग लागली. त्यावेळी शुभ्रा रूममध्ये होती. आगीत गंभीर जखमी झाल्याने तिचा मृत्यू झाला. या घटनेने परिसरार हळहळ व्यक्त होत आहे. पुढील तपास पोलीस करत आहेत.
