Pune Crime | पुणे : पूर्ववैमनस्यातून टोळक्याने तरुणांवर हल्ला ( Pune Crime ) केल्याचा धक्कादायक प्रकार समोर आला आहे. या घटनेत टोळक्याने कोयत्याने वार करत एकाचा मनगटापासून पुढील पंजा तोडला आहे. हा धक्कादायक प्रकार भरदिवसा पुण्यातील कात्रज येथील सुखसागरमधील स्मार्ट मेन्स पार्लर समोर घडला आहे.
पोलिसांकडे तक्रार केल्याच्या कारणावरुन हल्ला…
हा हल्ला पोलिसांकडे तक्रार केल्याच्या कारणावरुन अल्पवयीन टोळक्याने केला आहे.याप्रकरणानंतर रागातून विरोधी टोळक्याने पंजा तोडणारा कोंढव्यात असल्यावरून तिथे जाऊन तोडफोड केली. या घटनेनंतर नागरिक भयभीत झाले असून परिसरात कायदा आणि सुव्यवस्थेचा प्रश्न निर्माण झाला आहे.
याप्रकरणी अभिजीत दुधनीकर(वय २३, रा. गोकुळनगर, कात्रज) याने भारती विद्यापीठ पोलीस ठाण्यात फिर्याद दिली आहे. अखिलेश ऊर्फ लाडप्पा चंद्रकांत कलशेट्टी असे या तरुणाचे नाव आहे. सुदैवाने डॉक्टरांनी तातडीने शस्त्रक्रिया करुन त्याचा पंजा पुन्हा जोडला.
पोलिसांनी तिघा अल्पवयीनांसह ८ जणांवर खूनाचा प्रयत्न केल्याचा गुन्हा दाखल केला आहे. तर निखिल ऊर्फ रोहित गोरख दिनकर (वय १९, रा. स्वामी समर्थनगर, गोकुळनगर, कात्रज) याला अटक केली आहे. रोहित बोद्रे,प्रेम गुंगारग,युवराज देवकाते व त्यांच्या साथीदारासह तिघा अल्पवयीनांवर गुन्हा दाखल केला आहे.
पोलिसांनी दिलेल्या माहितीनुसार, अखिलेश व रोहीत व इतरांमध्ये जुनी भांडणे आहेत. त्यांच्यात जुन्या भांडणाच्या कारणावरुन एकमेकांत खुन्नस होती यावरून अनेक वेळा त्यांचे वाद होत असतं. फिर्यादी व अखिलेश हे २२ मार्च रोजी दुपारी साडेचार वाजता दुचाकीवरुन जात असताना रोहित प्रेम हे दोन बाईकवरुन हातात धारदार शस्त्रे घेऊन पास झाले.
यांना पाहून त्यांनी दुचाकी वळून पाठलाग करु लागले. अखिलेश याने दुचाकी हळू केली. तेव्हा आरोपींनी त्यांना घेरले. रोहित बोद्रे याने शिवीगाळ करुन हातातील शस्त्रे फिरवून “साल्या तुम्ही केस करता का आमच्यावर थांबा आता तुमचा मर्डर करतो,” असे म्हणून जीवे ठार मारण्याच्या उद्देशाने फिर्यादीवर वार करण्यास सुरुवात केली. त्याने डाव्या हाताने वार चुकविण्याचा प्रयत्न केला.
दरम्यान अखिलेशच्या डोक्यात वार करण्याचा प्रयत्न टोळक्याने केला तेव्हा तो वार चुकवून अखिलेशच्या हातावर लागला त्यामध्ये त्याचा पंजा मनगटापासून तुटला. पुण्यातील भारती रुग्णलायत अखिलेशवर उपचार सुरु आहेत.
अधिक बातम्या वाचण्यासाठी येथे क्लिक करा…!
Kharadi Crime | खराडीतील बंद फ्लॅट फोडला; तब्बल दिड लाखांचा ऐवज चोरला
