Pune Crime | पुणे : दारू पिण्यासाठी तरुणांचे दोन गट बसल्यानंतर त्यांच्यात वाद झाले. वादाचे रूपांतर भांडणात झाल्याने एका गटाने धारधार हत्याराने एकावर वारकरून जीवे ठार मारण्याचा प्रयत्न केल्याची घटना घडली. यानंतर टोळके पसार झाले असून, एकाला पोलिसांनी पकडले आहे.
रोहित अशोक खंडाळे (वय २४, रा. कोंढवा बुद्रुक) असे जखमी झालेल्या तरुणाचे नाव आहे. रोहितवर खासगी रुग्णालयात उपचार सुरू आहेत. याप्रकरणी कोंढवा पोलीस ठाण्यात मंगेश माने, सागर जाध‌व, पवन राठोड, सुराज पाटील व अभिजीत उर्फ जब्या सुरेश दुधनीकर यांच्यावर गुन्हा दाखल करण्यात आला आहे.
पोलिसांनी घटनेनंतर पसार झालेल्या आरोपीपैंकी एकाला चार तासात बेड्या ठोकल्या आहेत. तर, इतर आरोपींचा शोध सुरू आहे. रोहित व आरोपी ओळखीचे आहेत.
दरम्यान, रोहित व त्याचा मित्र वैभव साळवे हे दारू पिण्यास साईनगर गल्ली नंबर २ येथे दारू पिण्यासाठी बसले होते. त्याचवेळी दुसऱ्या बाजूला आरोपींचा ग्रुप देखील दारू पिण्यास बसला होता. त्यावेळी त्यांच्यात वाद झाले होते. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
Pune Crime : वानवडीत दारूच्या नशेत तोडफोड करणार्‍या चौघांना पोलिसांनी ठोकल्या बेड्या
Pune Crime : मार्केटयार्ड व बिबवेवाडीतील जुगार अड्ड्यांवर पोलिसांची छापेमारी ; १८ जणांना पकडले
