Pune Crime पुणे, ता. 13 : शहरातील भवानी पेठ येथील पोलीस वसाहतीत अल्पवयीन मुलासोबत अश्लील कृत्य झाल्याची संतापजनक घटना उघडकीस आली असून, या प्रकरणामुळे पोलीस दलात खळबळ उडाली आहे. विशेष म्हणजे आरोपी हा एका पोलिसाचा मुलगा असल्याने या घटनेची गंभीर चर्चा सुरू आहे. Pune Crime
समर्थ पोलीस ठाण्याच्या पोलिसांनी शुभम अरुण गोरे (वय २३, रा. भवानी पेठ पोलीस वसाहत) याला अटक केली आहे. ही घटना ९ मे रोजी सायंकाळी साडेसातच्या सुमारास घडल्याचे समोर आले आहे. Pune Crime
पोलिसांनी दिलेल्या माहितीनुसार, आरोपी शुभम गोरे याने अल्पवयीन मुलाला “तुला काहीतरी दाखवायचे आहे,” असे सांगून आपल्या खोलीत नेले. त्यानंतर त्याने दरवाजा आतून बंद करून मुलाला बेडवर बसवले आणि त्याच्यासोबत अश्लील कृत्य केल्याचा आरोप आहे. घटनेनंतर “ही बाब कोणाला सांगितली तर तुला बघून घेईन,” अशी धमकीही आरोपीने दिल्याचे तक्रारीत नमूद करण्यात आले आहे. धमकीमुळे घाबरलेल्या मुलाने सुरुवातीला हा प्रकार कुणालाही सांगितला नव्हता. मात्र, दोन दिवसांनी त्याने आपल्या वडिलांना संपूर्ण घटना सांगितली. त्यानंतर समर्थ पोलीस ठाण्यात फिर्याद दाखल करण्यात आली. Pune Crime
प्रकरणाची गंभीर दखल घेत समर्थ पोलिसांनी आरोपीला तात्काळ अटक केली असून पुढील तपास पोलीस उपनिरीक्षक जालिंदर फडतरे करीत आहेत. या घटनेमुळे भवानी पेठ पोलीस वसाहतीतील वातावरण ढवळून निघाले असून नागरिकांमध्ये संताप व्यक्त केला जात आहे. Pune Crime
