Pune Crime News पुणे, ता. 2 : भोर तालुक्यातील नसरापूर येथे चार वर्षांच्या चिमुकलीवर लैंगिक अत्याचार करून तिची निर्घृण हत्या झाल्याची धक्कादायक घटना उघडकीस आल्यानंतर संपूर्ण परिसर संतप्त झाला आहे. या प्रकरणी राजगड पोलिसांनी ६५ वर्षीय आरोपी भीमराव कांबळे याला अटक केली आहे. घटनेच्या निषेधार्थ शनिवारी (२ मे) नसरापूर गावात कडकडीत बंद पाळण्यात आला असून आरोपीला कठोरात कठोर शिक्षा, फाशीची मागणी ग्रामस्थांकडून जोर धरत आहे. Pune Crime News
या घटनेची तीव्रता कमी होत नाही तोच पुणे जिल्ह्यातील चाकण परिसरात आणखी एक हृदयद्रावक प्रकार समोर आला आहे. येथे तीन वर्षीय चिमुकल्यावर लैंगिक अत्याचार करून त्याची गळा चिरून हत्या केल्याची घटना उघड झाली आहे. या प्रकरणी पोलिसांनी १६ वर्षीय अल्पवयीन आरोपीला ताब्यात घेतले असून घटना शुक्रवारी (२ मे) घडल्याची माहिती समोर आली आहे. Pune Crime News
मिळालेल्या माहितीनुसार, मृत चिमुकल्याचे कुटुंब मूळचे मध्य प्रदेशातील असून रोजगाराच्या निमित्ताने चाकण येथे राहत होते. शुक्रवारी दुपारी मुलगा शेजारील मुलीला खेळण्यासाठी बोलवायला गेला होता; मात्र तो परत न आल्याने कुटुंबीयांनी परिसरात शोधाशोध सुरू केली. बराच वेळ उलटूनही मुलगा न सापडल्याने त्यांनी पोलिसांकडे धाव घेतली. Pune Crime News
तपासादरम्यान, शेजारी राहणाऱ्या अल्पवयीन संशयिताच्या खोलीतील एका सुटकेसमध्ये मुलाचा मृतदेह आढळून आला. मुलाच्या गळ्यावर धारदार शस्त्राने वार केल्याचे तसेच शरीरावर गंभीर जखमांचे निशाण असल्याचे प्राथमिक तपासात स्पष्ट झाले आहे. या प्रकरणाचा पुढील तपास पोलीस करत आहेत. सलग दोन भीषण घटनांमुळे पुणे जिल्ह्यात भीती आणि संतापाचे वातावरण निर्माण झाले असून बालसुरक्षेचा प्रश्न पुन्हा ऐरणीवर आला आहे.
