Manohar Bhosale News करमाळा, ता. 2 : भोंदूगिरी आणि आर्थिक फसवणुकीच्या आरोपांखाली अटकेत असलेल्या मनोहर मामा भोसले याला माढा न्यायालयाकडून आंशिक दिलासा मिळाला आहे. न्यायालयाने पोलीस कोठडीची मागणी फेटाळून लावत भोसलेला न्यायालयीन कोठडीत पाठवण्याचे आदेश दिले आहेत. Manohar Bhosale News
या प्रकरणात भोसलेसोबत विशाल वाघमारे आणि नरेंद्र सांगळे यांचाही समावेश असून तिघांवर गुन्हे दाखल आहेत. दरम्यान, करमाळा पोलीस ठाण्यात नोंद असलेल्या दुसऱ्या गुन्ह्याच्या अनुषंगाने, माढा न्यायालयाची परवानगी घेऊन भोसले व त्याच्या सहकाऱ्यांना पुन्हा ताब्यात घेण्याची शक्यता वर्तवली जात आहे. Manohar Bhosale News
आजच्या सुनावणीदरम्यान सरकारी पक्षाने भोसले आणि त्याच्या दोन सहकाऱ्यांविरोधात संघटित गुन्हेगारीसंदर्भातील कलमे लागू करण्याची मागणी केली. या पार्श्वभूमीवर, पुढील जामिनासाठी त्यांना बार्शी सत्र न्यायालयात अर्ज करावा लागण्याची शक्यता आहे. Manohar Bhosale News
माहितीनुसार, २०२१ साली तीन गुन्हे दाखल होऊनही भोसलेने आपली भोंदूगिरी सुरूच ठेवली होती. करमाळा तालुक्यातील घोटी परिसरात त्याचा २७ एकरांवर पसरलेला आलिशान आश्रम असल्याचे समोर आले आहे. येथे दर अमावस्येला मोठ्या प्रमाणात लोकांची गर्दी होत असे, तसेच बाबाला भेटण्यासाठी तब्बल ११ हजार रुपयांची फी आकारली जात असल्याची माहिती आहे.
या प्रकरणामुळे परिसरात संताप व्यक्त होत असून अशा भोंदूगिरीवर कठोर कारवाई करण्याची मागणी नागरिकांकडून होत आहे. पोलीस सध्या या संपूर्ण प्रकरणाचा अधिक तपास करत आहेत.
