Pune Crime हडपसर, ता. 23 : मगरपट्टा परिसरातील तुपे कॉर्नर येथे एका २० वर्षीय विद्यार्थ्यावर तिघा अज्ञात तरुणांनी फरशीच्या तुकड्याने हल्ला करत बेदम मारहाण केल्याची धक्कादायक घटना मंगळवारी (ता. 21 एप्रिल) मध्यरात्री घडली आहे. या हल्ल्यात विद्यार्थी गंभीर जखमी झाला असून सध्या त्याच्यावर खासगी रुग्णालयात उपचार सुरू आहेत. या घटनेमुळे परिसरात भीतीचे वातावरण निर्माण झाले आहे. Pune Crime
सिद्धार्थ वसंत वाघमारे (वय 20, रा. शिंदेवस्ती, मगरपट्टा वेस्ट गेट, हडपसर) असे जखमी झालेल्या विद्यार्थ्यांचे नावे आहे. तर तीन अज्ञात तरुणांच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार , सिद्धार्थ वाघमारे याने 12वीची परीक्षा दिलेली आहे. तो मित्र अवधूत सकट (वय 19) याला भेटण्यासाठी गेला होता. त्यानंतर रात्री उशिरा अवधूत सकट व युवराज कांबळे (वय 19) हे दोघे त्याला घरी सोडण्यासाठी निघाले. Pune Crime
दरम्यान, महादेव मंदिराजवळ अॅमनोराच्या मागील बाजूस काही ओळखीच्या व्यक्तींनी त्यांना थांबवले व “मित्राची किरकिरी झाली आहे” असे सांगत तुपे कॉर्नर येथील झेप्टो स्टोअरकडे घेऊन गेले. तेथे सिद्धार्थ बाहेर थांबलेला असताना अचानक तीन अनोळखी तरुण तोंडावर मास्क घालून आले आणि कोणतीही पूर्वसूचना न देता त्याच्यावर हल्ला चढवला. हल्लेखोरांपैकी एकाने फरशीच्या तुकड्याने सिद्धार्थच्या डोक्यावर जोरदार प्रहार केला. त्यामुळे तो खाली कोसळला. त्यानंतर आरोपींनी त्याच्या छातीवर लाथाबुक्क्यांनी बेदम मारहाण केली. Pune Crime
या मारहाणीत सिद्धार्थच्या डोक्याला गंभीर दुखापत होऊन नाकातून व डोक्यातून रक्तस्त्राव सुरू झाला. काही वेळ तो अर्धबेशुद्ध अवस्थेत होता. घटनेनंतर मित्र अवधूत सकट याने तात्काळ त्याला रुग्णालयात दाखल केले. सध्या त्याच्यावर माळवाडी येथील मेडिकेअर हॉस्पिटलमध्ये उपचार सुरू असून तो शुद्धीवर आला आहे. या प्रकरणी सिद्धार्थ वाघमारे यांनी दिलेल्या तक्रारीवरून तिघा अज्ञात तरुणांविरुद्ध भारतीय न्याय संहिता (BNS) कलम 118(1) आणि 3(5) अंतर्गत गुन्हा दाखल करण्यात आला आहे. पोलिसांकडून हल्लेखोरांचा शोध सुरू असून सीसीटीव्ही फुटेजच्या आधारे तपास वेगाने सुरू आहे. Pune Crime
