Pune Crime | पुणे : मुलांना रिझर्व्ह बँकेत नोकरी लावण्याच्या आमिषाने एका ५२ वर्षीय महिलेची दोघांनी तब्बल ३८ लाख ५० हजार रुपयांची फसवणूक केल्याची घटना नुकतीच उघडकीस आली आहे. याप्रकरणी ५२ वर्षांच्या महिलेने चंदननगर पोलिस ठाण्यात फिर्याद दिली आहे.
सदानंद बाळकृष्ण भोसले (वय ६२, रा. नवी मुंबई) आणि संभाजी विजय पाटील (४१, रा. नाशिक) असे गुन्हा दाखल करण्यात आलेल्या दोघांची नावे आहेत. हा प्रकार पुणे व नवी मुंबईतील बेलापूर येथे फेब्रुवारी २०२२ ते ऑगस्ट २०२२ दरम्यान घडला. या प्रकरणी वडगाव शेरी येथील एका ५२ वर्षीय महिलेने चंदननगर पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपींनी संगनमत करून फिर्यादी यांचा मुलगा व मुलीस रिझर्व्ह बँक बेलापूरमध्ये नोकरी लावण्याचे आमिष दाखविले. त्यासाठी वरिष्ठ अधिकाऱ्यांना पैसे द्यावे लागतील, असे सांगून वेळोवेळी त्यांच्याकडून ३८ लाख ५० हजार रुपये घेतले.
दरम्यान, त्यानंतरही त्यांच्या मुलगा व मुलीला नोकरीला लावले नाही. त्यांनी पैसे परत मागितले असता ते परत न केल्याने शेवटी आपली फसवणूक केल्याचे लक्षात आल्यावर फिर्यादी यांनी पोलीस ठाण्यात फिर्याद दिली आहे. पोलिस निरीक्षक जानकर घटनेचा तपास करीत आहेत.
अधिक बातम्या वाचण्यासाठी येथे क्लिक करा….!
Nagar Crime : कोतवाली पोलिस ठाण्यातील रेकॉर्डवरील दोन गुन्हेगार दोन वर्षांसाठी तडीपार
